തിരുവനന്തപുരം: രാജ്യാന്തര ചലച്ചിത്രമേളയില്‍ മത്സരവിഭാഗത്തിലെ ഒമ്പത് ചിത്രങ്ങളുടെ പ്രദര്‍ശനം വ്യാഴാഴ്ച അവസാനിക്കും. ഗ്രെയ്ന്‍, ഐ സ്റ്റില്‍ ഹൈഡ് ടു സ്മോക്, വൈറ്റ് ബ്രിഡ്ജ്, ന്യൂട്ടണ്‍, പൊമഗ്രനേറ്റ് ഓര്‍ച്ചാര്‍ഡ്, ഡാര്‍ക് വിന്‍ഡ്, ദി വേള്‍ഡ് ഓഫ് വിച്ച് വി ഡ്രീം ഡസിൻറ് എക്‌സിസ്റ്റ്, വാജിബ്, ഏഥന്‍ എന്നീ ചിത്രങ്ങളുടെ പ്രദര്‍ശനമാണ് വ്യാഴാഴ്ച അവസാനിക്കുന്നത്.
നാല് ഇന്ത്യന്‍ ചിത്രങ്ങളുള്‍പ്പെടെ 14 സിനിമകളാണ് മത്സരരംഗത്തുള്ളത്. മികച്ച ചിത്രം തെരഞ്ഞെടുക്കാന്‍ പ്രതിനിധികള്‍ക്ക് അവസരമൊരുക്കുന്ന ഓഡിയന്‍സ് പോള്‍ ആരംഭിച്ചു. രജിസ്‌ട്രേഷന്‍ ഐ.ഡി ഉപയോഗിച്ച് ലോഗിന്‍ ചെയ്ത് പ്രതിനിധികള്‍ക്ക് വോട്ട് രേഖപ്പെടുത്താം. എസ്.എം.എസ്, മൊബൈല്‍ ആപ്, വെബ്‌സൈറ്റ് എന്നിവയിലൂടെ വോട്ട് രേഖപ്പെടുത്താം. മുഖ്യവേദിയായ ടാഗോര്‍, കൈരളി, കലാഭവന്‍ എന്നിവിടങ്ങളിലെ ഹെല്‍പ് ഡെസ്‌ക്കുകളില്‍ സാങ്കേതികസഹായം ലഭ്യമാണ്. എസ്.എം.എസ് അയക്കേണ്ട ഫോര്‍മാറ്റ് IFFK >MOVIE CODE (ഷെഡ്യൂളിലെ നമ്പര്‍).
അയക്കേണ്ട നമ്പര്‍ 56070. മത്സരവിഭാഗത്തിലെ ചിത്രങ്ങളുടെ മൂവി കോഡ് ഇ-മെയില്‍ ആയും എസ്.എം.എസായും പ്രതിനിധികള്‍ക്ക് വോട്ടെടുപ്പിന് മുമ്പേ ലഭിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.