ഉന്നത വിജയം നേടിയവരെ വി.സി.ഇ.ടി ആദരിക്കുന്ന ചടങ്ങിൽനിന്ന്
ബംഗളൂരു: 2022-23 അധ്യയനവർഷത്തിൽ 10, 12 ക്ലാസുകളിൽ മികച്ച വിജയം നേടിയവർ, വിവിധ എൻട്രൻസ് പരീക്ഷകളിൽ ഉന്നത റാങ്ക് നേടിയവർ, ഹിറാ മോറൽ സ്കൂൾ ഏഴാംക്ലാസ് പൊതുപരീക്ഷയിൽ വിജയിച്ചവർ തുടങ്ങി 20 വിദ്യാർഥികളെ ആദരിച്ചു. വി.സി.ഇ.ടി നൽകിവരുന്ന സ്കോളർഷിപ് വഴി പഠനം പൂർത്തിയാക്കിയ വിദ്യാർഥി വിദ്യാർഥിനികളെയും ഇതോടൊപ്പം ആദരിച്ചു. ഈ കുട്ടികൾക്ക് ഉന്നത വിദ്യാഭ്യാസത്തിനാവശ്യമായ മാർഗനിർദേശങ്ങളും സഹായങ്ങളും വി.സി. ഇ.ടി എജുക്കേഷൻ വിങ് നൽകും.
സ്പ്രിങ്അപ് എന്ന വിഷയത്തിൽ പ്രശസ്ത കോച്ച് ഡോ. സയ്യിദ് ഹബീബ് ക്ലാസെടുത്തു. വി.സി.ഇ.ടി വർഷംതോറും ഹൈസ്കൂൾ മുതൽ പ്രഫഷനൽ കോഴ്സുകൾ വരെ പഠിക്കുന്ന 60 വിദ്യാർഥികൾക്ക് സ്കോളർഷിപ് നൽകുന്നുണ്ട്. ഓരോ വിദ്യാർഥിക്കും മെന്ററെ നിശ്ചയിച്ച് അവരുമായി നിരന്തരം പഠനവുമായി ബന്ധപ്പെട്ട് ആശയവിനിമയം നടത്തുന്നുണ്ട്. കഴിഞ്ഞ എട്ടുവർഷമായി വി.സി.ഇ.ടി. നാനൂറോളം വിദ്യാർഥികൾക്കായി 75 ലക്ഷത്തിലധികം രൂപ സ്കോളർഷിപ്പായി നൽകിയിട്ടുണ്ട്.
വരുംവർഷങ്ങളിൽ വിദ്യാഭ്യാസ മേഖലയിൽ ഊന്നി പല പദ്ധതികളും നടപ്പിലാക്കാൻ ആലോചിക്കുന്നതായി ഭാരവാഹികൾ അറിയിച്ചു. ബിജു, ഫിറോസ് എന്നിവർ സംസാരിച്ചു. അൻവർ, സിമി, ശീബ തുടങ്ങിയവർ നേതൃത്വം നൽകി. ചടങ്ങിൽ അമീൻ സ്വാഗതവും സാജിദ് നവാസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.