ജ​ന​സാ​ഗ​ര​മാ​യി സാ​ധ​ന സ​മാ​വേ​ശ

ബം​ഗ​ളൂ​രു: സി​ദ്ധ​രാ​മ​യ്യ സ​ർ​ക്കാ​ർ ര​ണ്ടു​വ​ർ​ഷം പൂ​ർ​ത്തി​യാ​ക്കി​യ​തി​ന്റെ ആ​ഘോ​ഷ​മാ​യി ക​ർ​ണാ​ട​ക കോ​ൺ​ഗ്ര​സ് മൈ​സൂ​രു​വി​ൽ സം​ഘ​ടി​പ്പി​ച്ച ‘സാ​ധ​ന സ​മാ​വേ​ശ’ ച​ട​ങ്ങ് ജ​ന​സാ​ഗ​ര​മാ​യി. മ​ഹാ​രാ​ജാ​സ് കോ​ള​ജ് മൈ​താ​ന​ത്ത് സം​ഘ​ടി​പ്പി​ച്ച ച​ട​ങ്ങി​ൽ ഒ​രു ല​ക്ഷ​ത്തി​ലേ​റെ പ്ര​വ​ർ​ത്ത​ക​ർ പ​​​ങ്കെ​ടു​ത്തു.

ത​ന്റെ ത​ട്ട​ക​മാ​യ മൈ​സൂ​രു​വി​ൽ മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ ശ​ക്തി​പ്ര​ക​ട​നം കൂ​ടി​യാ​യി ‘സാ​ധ​ന സ​മാ​വേ​ശ’ പ​രി​പാ​ടി മാ​റി. ക​ന​ത്ത സു​ര​ക്ഷ​യാ​യി​രു​ന്നു മൈ​സൂ​രു​വി​ൽ ഒ​രു​ക്കി​യ​ത്. മൈ​സൂ​രു​വി​ന് പു​റ​മെ, മാ​ണ്ഡ്യ, ചാ​മ​രാ​ജ് ന​ഗ​ർ, കു​ട​ക്, ഹാ​സ​ൻ, ജി​ല്ല​ക​ളി​ൽ​നി​ന്നു​ള്ള പ്ര​വ​ർ​ത്ത​ക​രും ച​ട​ങ്ങി​നെ​ത്തി.

പ്ര​വ​ർ​ത്ത​ക​രെ എ​ത്തി​ക്കാ​ൻ 465 കെ.​എ​സ്.​ആ​ർ.​ടി.​സി ബ​സു​ക​ളാ​ണ് കോ​ൺ​ഗ്ര​സ് വാ​ട​ക​ക്കെ​ടു​ത്ത​ത്. മൈ​സൂ​രു​വി​ൽ 2,578.03 കോ​ടി​യു​ടെ വി​ക​സ​ന പ​ദ്ധ​തി​ക​ൾ​ക്കും മു​ഖ്യ​മ​ന്ത്രി സി​ദ്ധ​രാ​മ​യ്യ തു​ട​ക്കം കു​റി​ച്ചു. 24 സ​ർ​ക്കാ​ർ വ​കു​പ്പു​ക​ളി​ലാ​യി 74 പ​ദ്ധ​തി​ക​ളാ​ണ് മൈ​സൂ​രു ജി​ല്ല​യി​ലെ വി​വി​ധ നി​യോ​ജ​ക മ​ണ്ഡ​ല​ങ്ങ​ളി​ലാ​യി ന​ട​പ്പാ​ക്കു​ന്ന​ത്.

രാ​വി​ലെ 11ന് ​ആ​രം​ഭി​ച്ച സാ​ധ​ന സ​മാ​വേ​ശ ച​ട​ങ്ങി​ൽ ഉ​പ​മു​ഖ്യ​മ​ന്ത്രി​യും കെ.​പി.​സി.​സി അ​ധ്യ​ക്ഷ​നു​മാ​യ ഡി.​കെ. ശി​വ​കു​മാ​ർ, മ​ന്ത്രി​മാ​രാ​യ എ​ച്ച്.​സി. മ​ഹാ​ദേ​വ​പ്പ, കെ.​ജെ. ജോ​ർ​ജ്, റ​ഹ്മാ​ൻ ഖാ​ൻ, കെ.​എ​ച്ച്. മു​നി​യ​പ്പ, എ.​ഐ.​സി.​സി അ​ധ്യ​ക്ഷ​ൻ മ​ല്ലി​കാ​ർ​ജു​ന ഖാ​ർ​ഗെ, ക​ർ​ണാ​ട​ക കോ​ൺ​ഗ്ര​സി​ന്റെ ചു​മ​ത​ല​യു​ള്ള എ.​ഐ.​സി.​സി ജ​ന​റ​ൽ ​സെ​ക്ര​ട്ട​റി ര​ൺ​ദീ​പ് സി​ങ് സു​ർ​ജെ​വാ​ല തു​ട​ങ്ങി​യ​വ​ർ ച​ട​ങ്ങി​ൽ പ​​ങ്കെ​ടു​ത്തു.

മൈ​സൂ​രു ജ​യ​ദേ​വ ഹോ​സ്പി​റ്റ​ലി​ന് സ​മീ​പം ഒ​രേ​ക്ക​റി​ൽ പി.​കെ.​ടി.​ബി ഹോ​സ്പി​റ്റ​ലി​ന് അ​ടു​ത്താ​യി ഒ​രേ​ക്ക​റി​ൽ 100 കി​ട​ക്ക​ക​ളു​ള്ള വൃ​ക്ക- യൂ​റോ​ള​ജി ആ​ശു​പ​ത്രി​ക്ക് ത​റ​ക്ക​ല്ലി​ട്ട​താ​ണ് പ്ര​ധാ​ന വി​ക​സ​ന പ​ദ്ധ​തി​ക​ളി​ലൊ​ന്ന്. ക​ഴി​ഞ്ഞ വ​ർ​ഷ​ത്തെ ബ​ജ​റ്റി​ൽ പ​ണം വ​ക​യി​രു​ത്തി​യ പ​ദ്ധ​തി​ക്കാ​യി 117.71 കോ​ടി​യാ​ണ് ചെ​ല​വ​ഴി​ക്കു​ക. ഇ​തി​ൽ 50 കി​ട​ക്ക​ക​ളു​ള്ള ഡ​യാ​ലി​സി​സ് യൂ​നി​റ്റും 20 കി​ട​ക്ക​ക​ളു​ള്ള തീ​വ്ര​പ​രി​ച​ര​ണ വി​ഭാ​ഗ​വും നാ​ല് ഓ​പ​റേ​ഷ​ൻ തി​യ​റ്റ​റു​ക​ളു​ള്ള മോ​ഡു​ലാ​ർ സ​ർ​ജി​ക്ക​ൽ വി​ങ്ങും ഉ​ൾ​പ്പെ​ടും. ഒ​രേ​സ​മ​യം, 100 രോ​ഗി​ക​ളെ ഉ​ൾ​ക്കൊ​ള്ളാ​ൻ ക​ഴി​യു​ന്ന ഹാ​ളും ഡി​ജി​റ്റ​ൽ ലൈ​ബ്ര​റി​യ​ട​ക്ക​മു​ള്ള സം​വി​ധാ​ന​ങ്ങ​ളും ഒ​രു​ക്കും.

192.92 കോ​ടി ചെ​ല​വി​ൽ ക​ർ​ണാ​ട​ക സം​സ്ഥാ​ന ചെ​റു​കി​ട വ്യ​വ​സാ​യ വി​ക​സ​ന കോ​ർ​പ​റേ​ഷ​ന് കീ​ഴി​ൽ നി​ർ​മി​ക്കു​ന്ന യൂ​നി​റ്റി മാ​ളും 120 കോ​ടി ചെ​ല​വി​ൽ മൈ​സൂ​രു ബ​ന്നി​മ​ണ്ഡ​പി​ൽ നി​ർ​മി​ക്കു​ന്ന കെ.​എ​സ്.​ആ​ർ.​ടി.​സി മോ​ഡ​ൽ ബ​സ് ടെ​ർ​മി​ന​ലു​മാ​ണ് മ​റ്റു പ്ര​ധാ​ന പ​ധ​തി​ക​ൾ.

ക​ർ​ണാ​ട​ക എ​ക്സി​ബി​ഷ​ൻ അ​തോ​റി​റ്റി​ക്ക് കീ​ഴി​ൽ 23.59 കോ​ടി​യു​ടെ പ​ദ്ധ​തി, ചാ​മു​ണ്ഡേ​ശ്വ​രി ഇ​ല​ക്ട്രി​സി​റ്റി സ​​പ്ലൈ കോ​ർ​പ​റേ​ഷ​ന് കീ​ഴി​ൽ 408 കോ​ടി​യു​ടെ പ​ദ്ധ​തി, പൊ​തു​മ​രാ​മ​ത്ത് വ​കു​പ്പി​ന് കീ​ഴി​ൽ 502.41 കോ​ടി​യു​ടെ പ​ദ്ധ​തി, മൈ​സൂ​രു സി​റ്റി കോ​ർ​പ​റേ​ഷ​ന് കീ​ഴി​ൽ 380 കോ​ടി​യു​ടെ പ​ദ്ധ​തി, ന​ര​സിം​ഹ​രാ​ജ മ​ണ്ഡ​ല​ത്തി​ൽ 3.5 കോ​ടി ചെ​ല​വി​ൽ സ്​​പോ​ർ​ട്സ് സ​യ​ൻ​സ് സെ​ന്റ​ർ, കെ.​ആ​ർ മ​ണ്ഡ​ല​ത്തി​ൽ തൊ​ഴി​ലാ​ളി ഭ​വ​ൻ നി​ർ​മി​ക്കാ​ൻ 23.59 കോ​ടി​യു​ടെ പ​ദ്ധ​തി തു​ട​ങ്ങി​യ​വ​യും മു​ഖ്യ​മ​ന്ത്രി ഉ​ദ്ഘാ​ട​നം ചെ​യ്ത​വ​യി​ൽ ഉ​ൾ​പ്പെ​ടും.