ബംഗളൂരു: ചാമുണ്ഡി ഹിൽറോഡിൽ കർണാടക ആർ.ടി.സി ബസ് സംരക്ഷണഭിത്തിയിലിടിച്ചുണ്ടായ അപകടത്തിൽ മരിച്ചയാളുടെ മൃതദേഹം കണ്ടെത്തി. മൈസൂരു ഹംഗല വില്ലേജിലെ റിട്ട. എക്സൈസ് ഇൻസ്പെക്ടറായ ചിക്കബസവഗൗഡയാണ് (72) മരിച്ചത്.
ബസ് യാത്രികനായിരുന്ന ഇയാൾ അപകടത്തിൽ തെറിച്ചുപോയതാണ്. പരിക്കേറ്റവരെ ആശുപത്രിയിലെത്തിക്കുന്ന തിരക്കിൽ അബോധാവസ്ഥയിൽ വീണുകിടന്ന ഇയാളെ ആരും കണ്ടില്ല. മകൻ രാജേന്ദ്ര പിതാവിനെ അന്വേഷിച്ചിരുന്നെങ്കിലും കണ്ടെത്തിയിരുന്നില്ല.
പിറ്റേന്ന് രാവിലെ ചാമുണ്ഡേശ്വരി വൈദ്യുതി വിതരണ കോർപറേഷൻ ജീവനക്കാർ അപകടത്തിൽ തകർന്ന വൈദ്യുതി പോസ്റ്റുകൾ നന്നാക്കാനെത്തിയപ്പോഴാണ് ഇദ്ദേഹത്തെ മരിച്ചനിലയിൽ കണ്ടെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.