ബംഗളൂരു: ബാങ്കോക്കിൽ നിന്ന് 5.79 കോടി രൂപ വിലമതിക്കുന്ന ഹൈഡ്രോപോണിക് കഞ്ചാവ് കടത്താൻ ശ്രമിച്ചതിന് ബംഗളൂരു കെംപെഗൗഡ അന്താരാഷ്ട്ര വിമാനത്താവളത്തിൽ രണ്ടുപേരെ അറസ്റ്റ് ചെയ്തതായി അധികൃതർ അറിയിച്ചു.ചെക്ക്-ഇൻ ബാഗേജിൽ ഒളിപ്പിച്ച നിലയിൽ 16.54 കിലോ ഹൈഡ്രോപോണിക് കഞ്ചാവ് പിടിച്ചെടുത്തതായി ബംഗളൂരു കസ്റ്റംസ് ‘എക്സ്’ പോസ്റ്റിൽ അറിയിച്ചു.
നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് (എൻ.ഡി.പി.എസ്) ആക്ട് പ്രകാരമാണ് രണ്ട് പ്രതികളെയും അറസ്റ്റ് ചെയ്തതെന്ന് പോസ്റ്റിൽ പറഞ്ഞു. അതേസമയം, 1985 ലെ എൻ.ഡി.പി.എസ് ആക്ട് പ്രകാരം പിടിച്ചെടുത്ത 287.5 കിലോഗ്രാം കഞ്ചാവും (ഹൈഡ്രോപോണിക് ) 1.17 കിലോ കൊക്കെയിനും മാർച്ച് 17 ന് ബംഗളൂരു വിമാനത്താവളത്തിലെ കസ്റ്റംസ് ഉദ്യോഗസ്ഥർ സിബിഐസി (സെൻട്രൽ ബോർഡ് ഓഫ് ഇൻഡയറക്ട് ടാക്സസ് ആൻഡ് കസ്റ്റംസ്) ഡിസ്പോസൽ മാനുവൽ അനുസരിച്ച് നിർമാർജനം ചെയ്തതായി മറ്റൊരു പോസ്റ്റിൽ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.