ബംഗളൂരു: ബുക്ക് ചെയ്ത ടാക്സി യാത്ര റദ്ദാക്കിയതിന് യുവതിക്ക് ഡ്രൈവർ അശ്ലീല ഫോട്ടോകൾ വാട്സ്ആപ് വഴി അയച്ചതായി പരാതി. ടാക്സി ദാതാക്കളുടെ ഓഫിസിലേക്ക് വിളിച്ചാണ് യുവതി മകളെ കൂട്ടിക്കൊണ്ടു വരാൻ കാർ ബുക്ക് ചെയ്തത്. എന്നാൽ, ഡ്രൈവർ വൈകിയതിനെ തുടർന്ന് മറ്റൊരു വാഹനം വിളിക്കുകയായിരുന്നുവെന്ന് യുവതി പറഞ്ഞു.
യുവതി ഓട്ടോയിലായിരുന്ന സമയത്ത് ടാക്സി കാർ ഡ്രൈവർ ഫോണിൽ വിളിച്ച് തന്റെ കാറിൽ കയറാൻ നിർബന്ധിച്ചു. ഇതിനകം അഞ്ചു കിലോമീറ്റർ ദൂരം പിന്നിട്ടെന്നും ടാക്സി കാർ ഇനി ആവശ്യമില്ലെന്നും അറിയിച്ച യുവതി ഡ്രൈവറോട് ക്ഷമചോദിക്കുകയും ചെയ്തു. തുടർന്നും ഇയാൾ യുവതിയെ നിരന്തരം വിളിക്കുകയും അശ്ലീല ചിത്രങ്ങൾ അയക്കുകയുമായിരുന്നു. പിന്നീടാണ് യുവതി പൊലീസിനെ സമീപിച്ചത്. കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.