എച്ച്.ഡബ്ല്യു.എ ചാരിറ്റബ്ൾ ഫൗണ്ടേഷൻ എസ്.ഐ.ഒ കേരള ബംഗളൂരു ചാപ്റ്ററിന്റെ
സഹായത്തോടെ പഠനോപകരണ കിറ്റ് വിതരണം ചെയ്യുന്നു
ബംഗളൂരു: എച്ച്.ഡബ്ല്യു.എ ചാരിറ്റബ്ൾ ഫൗണ്ടേഷൻ എസ്.ഐ.ഒ കേരള ബംഗളൂരു ചാപ്റ്ററിന്റെ സഹായത്തോടെ ‘ബ്രൈറ്റ് ബിഗ്നിങ്’ എന്ന തലക്കെട്ടിൽ നിർധനരായ 300ഓളം വിദ്യാർഥികൾക്ക് പഠനോപകരണങ്ങൾ വിതരണം ചെയ്തു. കിറ്റ് വിതരണ ഉദ്ഘാടനം ജമാഅത്തെ ഇസ്ലാമി ബംഗളൂരു മേഖല പ്രസിഡന്റ് റഹീം കോട്ടയം എച്ച്.ഡബ്ല്യു.എ സെക്രട്ടറി അനൂപ് അഹമ്മദിന് നൽകി നിർവഹിച്ചു.
സാമ്പത്തിക പ്രയാസത്താൽ പഠനത്തിന് ബുദ്ധിമുട്ടുന്ന വിദ്യാർഥികൾക്ക് കൈത്താങ്ങായി നടത്തുന്ന സേവനപ്രവർത്തനങ്ങൾ അഭിനന്ദനാർഹമാണെന്ന് മേഖല പ്രസിഡന്റ് റഹീം കോട്ടയം അഭിപ്രായപ്പെട്ടു. പാവപ്പെട്ട കുടുംബത്തിലെ വിദ്യാർഥികൾക്ക് സ്കോളർഷിപ് അടക്കമുള്ള പഠനസഹായങ്ങൾ എച്ച്.ഡബ്ല്യു.എ നൽകിവരുന്നുണ്ട്. പദ്ധതിയുടെ ഭാഗമായി ബംഗളൂരുവിന്റെ വിവിധ പ്രദേശങ്ങളിൽ സ്കൂൾ കിറ്റുകൾ വിതരണം ചെയ്തു.
കോൾസ് പാർക്ക് ഹിറ സെന്ററിൽ നടന്ന ഉദ്ഘാടനച്ചടങ്ങിൽ എച്ച്.ഡബ്ല്യു.എ പ്രോജക്ട് കോഓഡിനേറ്റർ നാസിഹ് വണ്ടൂർ, എസ്.ഐ.ഒ പ്രതിനിധികളായ ഫഹദ്, അജ്വദ്, ആദിൽ, അനീസ്, സഈദ്, മുഫാസിൽ, മിസ്ഹബ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.