ബംഗളൂരു: നിർമാണരംഗത്തെ നൂതന ഉപകരണങ്ങളുടെ പ്രദർശനമായ ‘എക്സ്കോൺ’ ശനിയാഴ്ച സമാപിക്കും. തുമകുരു റോഡിലെ ബാംഗ്ലൂർ ഇന്റർ നാഷനൽ എക്സിബിഷൻ സെന്ററിൽ നടക്കുന്ന പ്രദർശനം കോൺഫെഡറേഷൻ ഇന്ത്യൻ ഇൻഡസ്ട്രിയാണ് സംഘടിപ്പിച്ചത്. കേന്ദ്രമന്ത്രി നിധിൻ ഗഡ്കരി പ്രദർശനം ഉദ്ഘാടനം ചെയ്തശേഷം വിവിധ സ്റ്റാളുകൾ സന്ദർശിച്ചു. സാനി, ജെ.സി.ബി, ടാറ്റ, സ്കാനിയ, വോൾവോ, പ്രോപൽ, കാറ്റ്, മഹീന്ദ്ര, കമ്മിൻസ് തുടങ്ങി നിരവധി സ്വദേശ- വിദേശ കമ്പനികളാണ് നിർമാണ മേഖലയിലെ വിവിധ വാഹനങ്ങളും ഉപകരണങ്ങളുമായി പ്രദർശനത്തിലുള്ളത്. നിർമാണ മേഖലയിൽ ഗ്രീൻ ടെക്നോളജി വരുത്തിയ മാറ്റങ്ങളെക്കുറിച്ചറിയാനും നൂതന ഉപകരണങ്ങളെയും മറ്റും അടുത്തറിയാനും പ്രദർശനം സഹായിക്കും. കഴിഞ്ഞ ചൊവ്വാഴ്ച ആരംഭിച്ച പ്രദർശനത്തിന്റെ ഭാഗമായി വിവിധ സെഷനുകളും അരങ്ങേറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.