ബംഗളൂരു: സംസ്ഥാന സംവരണത്തിൽ 2 എ കാറ്റഗറിയിലേക്ക് മാറ്റണമെന്നാവശ്യപ്പെട്ട് പഞ്ചമശാലി ലിംഗായത്തുകൾ ‘ഇഷ്ടലിംഗ പൂജ സമര’ത്തിന് തുടക്കമിട്ടു. വെള്ളിയാഴ്ച ഹുബ്ബള്ളിയിൽ ആരംഭിച്ച പ്രതിഷേധം കുന്ദ്ഗോൽ എം.എൽ.എ എം.ആർ. പാട്ടീൽ ഉദ്ഘാടനം ചെയ്തു.
ഹുബ്ബള്ളി നഗരത്തിലെ കിറ്റുർ റാണി ചെന്നമ്മ പ്രതിമയിൽ ഹാരാർപ്പണം നടത്തിയാണ് സമരത്തിന് തുടക്കമിട്ടത്. കുടലസംഗമ പഞ്ചമശാലി പീഠത്തിലെ ബസവ മൃത്യുഞ്ജയ സ്വാമി സമരത്തിൽ പങ്കെടുത്തു. ജില്ല തലത്തിൽ സമരം വ്യാപിക്കുമെന്ന് അദ്ദേഹം പറഞ്ഞു. ആവശ്യം നേടിയെടുക്കുന്നതുവരെ പ്രതിഷേധം തുടരുമെന്നും അദ്ദേഹം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.