സുല്ത്താന് ബത്തേരി: കടുവയുടെ ആക്രമണത്തില് പോത്തിന് ഗുരുതര പരിക്ക്. ബീനാച്ചി പഴുപ്പത്തൂര് കൈവെട്ടാമൂല കോലാത്തുതൊടി വിജയരാഘവന്െറ പോത്തിനെയാണ് കടുവ ആക്രമിച്ചത്. വെള്ളിയാഴ്ച പുലര്ച്ചെയാണ് സംഭവം. ബഹളംകേട്ട് വീട്ടുകാര് നോക്കിയപ്പോഴാണ് കടുവ പോത്തിനെ ആക്രമിക്കുന്നത് കണ്ടത്. ബഹളം വെച്ചതോടെ കടുവ സമീപത്തെ തോട്ടത്തിലേക്ക് ഓടിമറയുകയായിരുന്നു. വനംവകുപ്പ് ജീവനക്കാരും വെറ്ററിനറി ഡോക്ടറും സ്ഥലത്തത്തെി പരിശോധന നടത്തി. കടുവതന്നെയാണ് പോത്തിനെ ആക്രമിച്ചതെന്ന് സ്ഥിരീകരിച്ചിട്ടുണ്ട്. ഒന്നര വയസ്സുള്ള പോത്തിന്െറ കഴുത്തിനാണ് പരിക്കേറ്റത്. ആക്രമണത്തില് പോത്തിന് പരിക്കേറ്റ സാഹചര്യത്തില് മതിയായ നഷ്ടപരിഹാരം നല്കാമെന്ന് വനംവകുപ്പ് ഉറപ്പ് നല്കി. കടുവയെ പിടികൂടുന്നതിനായി കൂട് സ്ഥാപിക്കണമെന്നാണ് നാട്ടുകാരുടെ ആവശ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.