വിമാനത്താവളങ്ങളില് കെല്ട്രോണിൻെറ ബാഗേജ് അണുനശീകരണ ഉപകരണം തിരുവനന്തപുരം: സംസ്ഥാനത്തെ വിമാനത്താവളങ്ങളില് യാത്രക്കാരുടെ ബാഗേജുകള് അണുമുക്തമാക്കാന് കെല്ട്രോണ് അള്ട്രാ വയലറ്റ് ബാഗേജ് ഡിസ്ഇന്ഫെക്ടര് (യു.വി ബാഗേജ് ഡിസ്ഇന്ഫെക്ടര്) തയാറാക്കി. ആദ്യ ഉപകരണം കണ്ണൂര് വിമാനത്താവളത്തില് സ്ഥാപിച്ചു. തിരുവനന്തപുരം, കോഴിക്കോട് വിമാനത്താവളങ്ങളില് ഉടന് സ്ഥാപിക്കും. കോവിഡ്-19നെ തുടര്ന്ന് വിദേശത്തുനിന്ന് മലയാളികളെ വ്യാപകമായി നാട്ടിലെത്തിക്കുന്ന സാഹചര്യത്തില് രോഗപ്രതിരോധം ശക്തമാക്കാനാണിത്. വിദേശത്തുനിന്ന് ചൊവ്വാഴ്ച കണ്ണൂരിലെത്തിയ ആദ്യ വിമാനത്തിലെ യാത്രക്കാരുടെ ബാഗേജുകള് അണുമുക്തമാക്കാന് ഈ ഉപകരണം ഉപയോഗിച്ചു. ബാഗേജുകള് ഉപകരണത്തിലെ ടണലിലൂടെ കടന്നുപോകുമ്പോള് വിവിധ കോണുകളില്നിന്ന് അള്ട്രാ വയലറ്റ് റേഡിയേഷന് വിധേയമാക്കും. ഈ പ്രക്രിയയിലൂടെ ബാഗേജ് പൂർണമായും അണുമുക്തമാകും. ഇതിനുശേഷമാണ് വിമാനത്താവളങ്ങളിലെ സാധാരണ എക്സ്റേ സ്കാനറുകളിലേക്ക് ബാഗേജ് എത്തുക. സ്വയംപ്രവര്ത്തിക്കുന്ന യു.വി ബാഗേജ് ഡിസ്ഇന്ഫെക്ടര് എയര്പോര്ട്ടിലെ ബാഗേജ് റാമ്പിൻെറ സജ്ജീകരണങ്ങളുമായി അനായാസം കൂട്ടിയോജിപ്പിക്കാം. ഉപകരണത്തിൻെറ രൂപകല്പനയിലും സാങ്കേതികവിദ്യയിലും അവ സ്ഥാപിക്കുന്ന സ്ഥലങ്ങള്ക്കനുസരിച്ച് ക്രമീകരണം വരുത്താം. കേന്ദ്ര പ്രതിരോധ മന്ത്രാലയത്തിന് കീഴില് കൊച്ചിയില് പ്രവര്ത്തിക്കുന്ന നേവല് ഫിസിക്കല് ആൻഡ് ഓഷ്യാനോഗ്രാഫിക് ലബോറട്ടറി (എന്.പി.ഒ.എല്)യുടെ സഹായത്തോെടയാണ് ഡിസ്ഇന്ഫെക്ടര് നിര്മിച്ചത്. വ്യാവസായികാടിസ്ഥാനത്തില് തയാറാക്കാന് കെല്ട്രോണിന് പദ്ധതിയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.