തിരുവനന്തപുരം: ലോക്ഡൗണ് മാനദണ്ഡങ്ങൾ ലംഘിച്ച് കച്ചവടം നടത്തിയ രാമചന്ദ്രൻ ടെക്സ്റ്റൈൽസിനെതിരെ പൊലീസ് കേസെടുത്തു. തിങ്കളാഴ്ച ഉച്ചയോടെയാണ് അട്ടക്കുളങ്ങരയിൽ പ്രവർത്തിക്കുന്ന സ്ഥാപനത്തിൽ തഹസില്ദാറിൻെറ നേതൃത്വത്തിൽ റെയ്ഡ് നടന്നത്. മാളിൻെറ മുകളിലത്തെ നിലയിൽ പ്രവർത്തിക്കുന്ന പച്ചക്കറി വിഭാഗത്തിൻെറ മറവിലാണ് ലോക്ഡൗൺ നിയന്ത്രണങ്ങൾ കാറ്റിൽപറത്തി കച്ചവടം നടന്നത്. ഒരു നിലയുള്ള ടെക്സ്റ്റൈല്സിന് മാത്രമാണ് സർക്കാർ ലോക്ഡൗണ് ഇളവ് നല്കിയിട്ടുള്ളത്. ബഹുനില ടെക്സ്റ്റൈൽസോ മാളോ തുറക്കാന് പാടില്ല എന്നാണ് വ്യവസ്ഥ. എന്നാൽ പരിശോധനയിൽ സ്ഥാപനത്തിൻെറ അഞ്ച് നിലകളിലും ജീവനക്കാരെ നിയമിച്ചുകൊണ്ട് വസ്ത്രവ്യാപാരമടക്കമുള്ളവ നടക്കുന്നതായി കണ്ടെത്തി. തുടർന്ന് സ്ഥാപനത്തിലെ മാനേജർക്കെതിരെ ഫോർട്ട് പൊലീസ് കേസെടുക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.