തിരുവനന്തപുരം: കാലിക്കറ്റ് സർവകലാശാല വൈസ്ചാൻസലറെ കണ്ടെത്താൻ സെർച് കമ്മിറ്റി യോഗം നവംബർ 12ന് വീണ്ടും ചേരും. യേ ാഗ്യരായ അപേക്ഷകരെ കൂടിക്കാഴ്ചക്ക് ക്ഷണിക്കാനും വ്യാഴാഴ്ച ചേർന്ന സെർച് കമ്മിറ്റിയുടെ ആദ്യയോഗത്തിൽ ധാരണയായി. നിലവിലുള്ള വൈസ്ചാൻസലർ ഡോ.കെ. മുഹമ്മദ് ബഷീറിൻെറ കാലാവധി നവംബർ 20നാണ് അവസാനിക്കുന്നത്. സെർച് കമ്മിറ്റിയുടെ കാലാവധി നവംബർ 15നാണ് അവസാനിക്കുന്നത്. ഇൗ സാഹചര്യത്തിൽ േയാഗ്യരായവരെ 12ന് കൂടിക്കാഴ്ചക്ക് ക്ഷണിച്ച് പാനൽ ചാൻസലറായ ഗവർണർക്ക് സമർപ്പിക്കും. ചീഫ് സെക്രട്ടറി ടോം ജോസ് കൺവീനറായ സെർച് കമ്മിറ്റിയിൽ ആസൂത്രണ ബോർഡ് വൈസ് ചെയർമാൻ ഡോ. വി.കെ. രാമചന്ദ്രൻ സർവകലാശാലപ്രതിനിധിയും ഡൽഹി ജെ.എൻ.യു വൈസ് ചാൻസലർ പ്രഫ. എം. ജഗദീഷ് കുമാർ യു.ജി.സി പ്രതിനിധിയുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.