തിരുവനന്തപുരം: മധുര ഡിവിഷൻ പരിധിയിലെ പാളങ്ങളിൽ അറ്റകുറ്റപ്പണി നടക്കുന്നതിനാൽ ട്രെയിൻ ഗതാഗതത്തിൽ നിയന്ത്രണം ഏർപ്പെടുത്തിയതായി റെയിൽവേ അറിയിച്ചു. ഞായറാഴ്ച കൊല്ലം-പുനലൂർ പാസഞ്ചർ (56740) പൂർണമായി റദ്ദാക്കി. മാത്രമല്ല, ഇതേദിവസം ചെേങ്കാട്ട-കൊല്ലം പാസഞ്ചർ (56737) പുനലൂരിലും ഗുരുവായൂർ-പുനലൂർ പാസഞ്ചർ (56365) െകാല്ലത്തും യാത്രയവസാനിപ്പിക്കും. പുനലൂർ-ഗുരുവായൂർ പാസഞ്ചർ (56366) ഞായറാഴ്ച കൊല്ലത്ത് നിന്നാവും യാത്രയാരംഭിക്കുക. ചെന്നൈ എഗ്മോറിൽനിന്ന് െസപ്റ്റംബർ 15,16,17,18, 20 തീയതികളിൽ പുറപ്പെടുന്ന ചെന്നൈ എഗ്മോർ-ഗുരുവായൂർ എക്സ്പ്രസ് (16127) 1.45 മണിക്കൂർ വൈകിയേ തിരുനെൽവേലിയിലെത്തൂ. പുനലൂരിൽനിന്ന് ഞായറാഴ്ച വൈകീട്ട് 3.30ന് പുറപ്പെടേണ്ട പുനലൂർ-മധുര പാസഞ്ചർ (56701) രണ്ട് മണിക്കൂർ 15 മിനിറ്റ് വൈകി വൈകുന്നേരം 5.45നേ യാത്രയാരംഭിക്കൂ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.