ആറ്റിങ്ങല്: അനധികൃത നിർമാണത്തിനും കൈയേറ്റങ്ങള്ക്കുമെതിരെ ശക്തമായ നടപടിയുമായി ആറ്റിങ്ങല് നഗരസഭ മുന്നോട്ട്. കഴിഞ്ഞ ദിവസം ആറ്റിങ്ങല് പാര്വതീപുരം ഗ്രാമത്തില് സ്വകാര്യ വ്യക്തി റോഡ് കൈയേറി ഇൻറര്ലോക്ക് ഇട്ടത് 24 മണിക്കൂറിനുള്ളില് നഗരസഭ അധികൃതര് പൊളിച്ചുനീക്കി. പാര്വതീപുരം ഗ്രാമത്തിലെ അഗ്രഹാര തെരുവിലാണ് സംഭവം. വീടിനോട് ചേര്ന്നുള്ള റോഡിൻെറ ഭാഗമാണ് ഇൻറര്ലോക്കിട്ടത്. നീക്കം ചെയ്യാനെത്തിയ ഉദ്യോഗസ്ഥരുമായി വീട്ടുടമ തര്ക്കിച്ചു. റോഡ് കൈയേറുന്നതും അനധികൃത നിര്മാണം നടത്തുന്നതും വർധിച്ചുവരുന്നത് കണ്ടെത്തിയതിനെ തുടര്ന്നാണ് നടപടി. കഴിഞ്ഞ മൂന്ന് മാസത്തിനുള്ളില് പത്തോളം കൈയേറ്റങ്ങളും അനധികൃത നിർമാണങ്ങളുമാണ് നഗരസഭ പൊളിച്ച് നീക്കിയത്. ഇത്തരം നിയമവിരുദ്ധ പ്രവര്ത്തനങ്ങള്ക്കെതിരെ തുടര്ന്നും കര്ശന നടപടിതന്നെ സ്വീകരിക്കുമെന്നും ക്രിമിനല് കേസ് നല്കുമെന്നും ചെയര്മാന് എം. പ്രദീപ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.