പാലാ: 41ാമത് സംസ്ഥാന ഐ.ടി.ഐ കായികമേളയിൽ മലമ്പുഴ ഐ.ടി.ഐ ഓവറോൾ ചാമ്പ്യൻമാർ. കോട്ടയം നെഹ്റു സ്റ്റേഡിയത്തിലും ഇന്ഡോർ സ്റ്റേഡിയത്തിലും പാലാ സിന്തറ്റിക് ട്രാക്കിലുമായാണ് മത്സരങ്ങൾ നടന്നത്. പാലായിൽ നടന്ന അത്ലറ്റിക്സ് വിഭാഗത്തിൽ കുഴല്മന്ദം ഐ.ടി.ഐ ഓവറോൾ ചാമ്പ്യൻമാരായി. കണ്ണൂർ ഗവ. ഐ.ടി.ഐ രണ്ടാം സ്ഥാനവും ഐ.ടി.ഐ മൂന്നാം സ്ഥാനവും കരസ്ഥമാക്കി. 25ഓളം ഇനങ്ങളിലായിരുന്നു മത്സരങ്ങൾ. അത്ലറ്റിക് വ്യക്തിഗത ഇനങ്ങളിൽ കുഴല്മന്ദം ഐ.ടി.ഐയുടെ എം. നയോണിക വനിത വിഭാഗത്തിലും ചെങ്ങന്നൂര് ഗവ. ഐ.ടി.ഐയുടെ സനു ജോസഫ് പുരുഷ വിഭാഗത്തിലും വ്യക്തിഗത ചാമ്പ്യൻമാരായി. ഏറ്റുമാനൂര് ഗവ. ഐ.ടി.ഐ പ്രിന്സിപ്പല് വാസുദേവന് സമാപന സമ്മേളനം ഉദ്ഘാടനം ചെയ്തു. വിജയികള്ക്കുള്ള സമ്മാനങ്ങളും അദ്ദേഹം വിതരണം ചെയ്തു. ഇൻറർ ഐ.ടി.ഐ കൗണ്സില് ചെയര്പേഴ്സൻ സല്മ അധ്യക്ഷത വഹിച്ചു. സ്റ്റേറ്റ് കോഓഡിനേറ്റര് സജിമോന് തോമസ്, പി.എസ്. അനില്കുമാർ, ഐ.ടി.ഐ യൂനിയന് ജനറല് സെക്രട്ടറി നന്ദലാല് തുടങ്ങിയവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.