തിരുവനന്തപുരം: വോട്ടര് പട്ടികയിലെ ക്രമക്കേടുകള് സംബന്ധിച്ച് അന്വേഷിക്കാന് കെ.പി.സി.സി നിയോഗിച്ച സബ്കമ്മിറ്റി യോഗം ചേര്ന്ന് ജില്ലകള് സന്ദര്ശിച്ച് തെളിവുകള് ശേഖരിക്കാന് തീരുമാനിച്ചു. കണ്വീനര് കെ.സി. ജോസഫ് എം.എല്.എ അധ്യക്ഷത വഹിച്ചു. കെ.പി.സി.സി പ്രസിഡൻറ് മുല്ലപ്പള്ളി രാമചന്ദ്രന്, എ.ഐ.സി.സി ജനറല് സെക്രട്ടറി ഉമ്മന് ചാണ്ടി, യു.ഡി.എഫ് കണ്വീനര് ബെന്നി ബഹനാന് എം.പി, കെ.പി.സി.സി വര്ക്കിങ് പ്രസിഡൻറ് കൊടിക്കുന്നില് സുരേഷ് എം.പി എന്നിവര് യോഗത്തില് സംസാരിച്ചു. ജൂണ് ഒന്നിന് രാവിലെ 10ന് ആലപ്പുഴ, വൈകീട്ട് നാലിന് പത്തനംതിട്ട, രണ്ടിന് രാവിലെ 10ന് കാസര്കോട് (കാഞ്ഞങ്ങാട്), രണ്ടിന് കണ്ണൂര്, ജൂണ് ഏഴ് രാവിലെ കോട്ടയം, വൈകീട്ട് നാലിന് എറണാകുളം, ഒമ്പതിന് 2 മണിക്ക് ഇടുക്കി (മൂന്നാര്), 10ന് നാലിന് തിരുവനന്തപുരം എന്നിവിടങ്ങളില് വെച്ച് ഒന്നാംഘട്ടം തെളിവെടുപ്പ് ശേഖരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.