പാരിപ്പള്ളി: ടാങ്കർ ലോറി ആംബുലൻസിൽ ഇടിച്ച് അഞ്ചുപേർക്ക് പരിക്ക്. കരുനാഗപ്പള്ളി സ്വദേശികളായ വിജയലക്ഷ്മി, ഇവ രുടെ ആറു മാസം പ്രായമുള്ള കുഞ്ഞ് ഗൗരി, ബന്ധുക്കളായ മഞ്ജു, രജിലാൽ, ആംബുലൻസ് ൈഡ്രവർ സുധീർ എന്നിവർക്കാണ് പരിക്കേറ്റത്. ദേശീയപാതയിൽ കല്ലുവാതുക്കൽ പഞ്ചായത്ത് ഹൈസ്കൂളിനു സമീപം ഇന്നലെ രാത്രിയായിരുന്നു അപകടം. അസുഖബാധിതയായ കുഞ്ഞുമായി തിരുവനന്തപുരം എസ്.എ.ടി ആശുപത്രിയിലേക്ക് പോയ ആംബുലൻസാണ് അപകടത്തിൽപെട്ടത്. പാരിപ്പള്ളി ഐ.ഒ.സി പാചകവാതക റീഫില്ലിങ് പ്ലാൻറിൽനിന്ന് തിരികെ പോകുകയായിരുന്ന ഒഴിഞ്ഞ ബുള്ളറ്റ് ടാങ്കറാണ് ആംബുലൻസിൽ ഇടിച്ചത്. അപകടത്തിൽ പരിക്കേറ്റവരെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.