ഇരവിപുരം: ബൈക്കിന് സൈഡ് കൊടുത്തില്ലെന്ന പേരിൽ കെ.എസ്.ആർ.ടി.സി സൂപ്പർഫാസ്റ്റ് തടഞ്ഞുനിർത്തി ബസിൻെറ താക്കോൽ ഊരിയെടുത്ത ശേഷം ഡ്രൈവറെ ആക്രമിച്ച കേസിലെ പ്രതിയെ ഇരവിപുരം പൊലീസ് അറസ്റ്റ് ചെയ്തു. വടക്കേവിള അക്കരവിള നഗർ 41 അക്കര വിളവയലിൽ വീട്ടിൽ രെജുവാണ് (31) പിടിയിലായത്. കഴിഞ്ഞ പത്തിനായിരുന്നു സംഭവം. പാലക്കാട് നിന്നും തിരുവനന്തപുരത്തേക്കുള്ള സൂപ്പർഫാസ്റ്റ് ബസ് മാടൻനടയ്ക്കടുത്ത് തടഞ്ഞുനിർത്തി ഡ്രൈവർ പ്രഭുവിനെ (45) ആക്രമിക്കുകയായിരുന്നു. കെ.എസ്.ആർ.ടി.സി അധികൃതരുടെ പരാതിയെ തുടർന്നാണ് ഇരവിപുരം പൊലീസ് കേസെടുത്ത് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.