തിരുവനന്തപുരം: മതിയായ രേഖകളില്ലാതെ തമിഴ്നാട് വഴി സ്വർണം കടത്താൻ ശ്രമിച്ച രാജസ്ഥാൻ സ്വദേശി പിടിയിൽ. ഉദയപൂർ സ്വദേശി ജഗദീഷാണ് (29) നെയ്യാറ്റിൻകര ടി.ബി ജങ്ഷനിൽ പിടിയിലായത്. നെയ്യാറ്റിൻകര ഡിവൈ.എസ്.പി സിനി ഡെന്നീസ്, പൊലീസ് ഇൻസ്പെക്ടർ ബിജു, സബ് ഇൻസ്പെക്ടർ രാഗേഷ് കുമാർ, എ.എസ്.െഎ ഷിബു, സി.പി.ഒ പ്രേംലാൽ എന്നിവരുൾപ്പെട്ട സംഘമാണ് അറസ്റ്റ് ചെയ്തത്. തിരുവനന്തപുരം റൂറൽ ജില്ല പൊലീസ് മേധാവി അശോകന് ലഭിച്ച രഹസ്യവിവരത്തിൻെറ അടിസ്ഥാനത്തിലാണ് അറസ്റ്റ്. ഇയാളിൽനിന്ന് 500 ഗ്രാം തൂക്കംവരുന്ന സ്വർണാഭരണങ്ങൾ പിടികൂടി. അറസ്റ്റിലായ ജഗദീഷ് അന്തർ സംസ്ഥാനം കേന്ദ്രീകരിച്ച് നികുതി വെട്ടിച്ച് സ്വർണം കടത്തുന്ന വൻസംഘത്തിെല ഒരു കണ്ണി മാത്രമാണെന്നും കൂടുതൽ പേർക്കായുള്ള ഉൗർജിത അന്വേഷണം ആരംഭിച്ചതായും പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.