കഴക്കൂട്ടം: ശ്രീകാര്യം വെഞ്ചാവോട് വീട് കുത്തിത്തുറന്ന് 25 പവൻ കവർന്നതായി പരാതി. ശ്രീകാര്യം വെഞ്ചാവോട് അജിത് ലൈനിൽ ബിനുരാജിെൻറ വീടാണ് കുത്തിത്തുറന്നത്. കഴിഞ്ഞദിവസം പകൽ പത്തിനും അഞ്ചിനുമിടയിലാണ് മോഷണം. ബിനുരാജും ഭാര്യ റെജിയും രാവിലെ ജോലിക്ക് പോയിരുന്നു. വൈകീട്ട് തിരിച്ച് വീട്ടിലെത്തിയപ്പോൾ വീടിെൻറ മുൻവശത്തെ വാതിൽ തുറന്ന് കിടക്കുന്നത് കണ്ട് അകത്ത് കയറി നോക്കുമ്പോഴാണ് അലമാരയും മേശയും കുത്തിത്തുറന്ന നിലയിൽ കണ്ടത്. ഉടൻ തന്നെ ശ്രീകാര്യം പൊലീസിൽ വിവരമറിയിച്ചു. പൊലീസ് സ്ഥലത്തെത്തി പരിശോധിച്ചപ്പോഴാണ് സ്വർണം നഷ്ടപ്പെട്ടതായി അറിയുന്നത്. അലമാരയിൽ സൂക്ഷിച്ചിരുന്ന സ്വർണമാണ് മോഷണം പോയത്. വീടിെൻറ പുറക് വശത്തുണ്ടായിരുന്ന പിക്ആക്സ് ഉപയോഗിച്ച് മുൻവശത്തെ വാതിലിെൻറ പൂട്ടുപൊളിച്ചാണ് മോഷ്ടാക്കൾ ഉള്ളിൽ പ്രവേശിച്ചത്. ഡോഗ് സ്ക്വാഡും വിരലടയാള വിദഗ്ദരും സ്ഥലത്തെത്തി പരിശോധന നടത്തി. ശ്രീകാര്യം പൊലീസ് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.