രണ്ട് ജില്ലകളിലൊഴികെ കിറ്റ് വിതരണം പൂർത്തിയായി

തിരുവനന്തപുരം: തൃശൂർ, മലപ്പുറം ജില്ലകളിലൊഴികെ പ്രളയദുരിതബാധിതർക്ക് കിറ്റ് വിതരണം പൂർത്തിയായതായി മുഖ്യമന്ത്രിയുടെ ഒാഫിസ് അറിയിച്ചു. ആലപ്പുഴ ജില്ലയിൽ 1,58,503 കിറ്റും എറണാകുളത്ത് 2,27,769 കിറ്റും വിതരണം ചെയ്തു. തൃശൂരിൽ 1,01,938 കിറ്റുകളാണ് നൽകിയത്. 3,355 കിറ്റുകൾ വിതരണം ചെയ്യാൻ ബാക്കിയുണ്ട്. മലപ്പുറത്ത് 26,430 കിറ്റുകൾ വിതരണം ചെയ്തു. 11,301 എണ്ണം കൂടി നൽകാനുണ്ട്. ബാക്കിയുളള കിറ്റുകൾ ഉടൻ വിതരണം ചെയ്യും. പ്രളയബാധിതരായ 2,47,566 കുടുംബങ്ങൾക്ക് സമാശ്വാസമായി 10,000 രൂപ അനുവദിച്ചുകഴിഞ്ഞു. മുഖ്യമന്ത്രിയുടെ ദുരിതാശ്വാസനിധിയിൽ നിന്ന് 6200 രൂപയും ദുരന്തപ്രതികരണനിധിയിൽ നിന്ന് 3800 രൂപയും ചേർത്താണ് 10,000 രൂപ നൽകിയത്. ഇതിനുപുറമെ ദുരന്തപ്രതികരണ നിധിയിൽ നിന്ന് 3800 രൂപ വീതം 87,514 കുടുംബങ്ങൾക്ക് നൽകിയിട്ടുണ്ടെന്നും അറിയിപ്പിൽ പറയുന്നു.