നെടുമങ്ങാട്: പ്രളയത്തിൽപെട്ട് പഠനോപകരണങ്ങൾ നഷ്ടപ്പെട്ട വിദ്യാർഥികൾക്ക് കൈത്താങ്ങായി ഒന്നാം ക്ലാസുകാരിയും. അഴിക്കോട് ഗവ. യു.പി സ്കൂളിലെ ബലീറയാണ് തെൻറ അഞ്ഞൂറ് രൂപയോളം അടങ്ങിയ കുടുക്ക സ്കൂളിലെ പ്രത്യേക അസംബ്ലിയിൽവെച്ച് പ്രധാനാധ്യാപിക ബേബി തോമസിന് കൈമാറിയത്. ദുരിതബാധിത പ്രദേശങ്ങളിലെ കുട്ടികളെ സഹായിക്കാനായി 'ഒന്നു നിൽക്കൂ ഒരു കൈ സഹായിക്കൂ, ഞങ്ങളുടെ കൂട്ടുകാർക്കും പഠിക്കണം' എന്ന പേരിൽ സ്കൂളിലെ കുട്ടികൾ പഠനോപകരണ സമാഹരണം നടത്തിയിരുന്നു. നെടുമങ്ങാട്-തിരുവനന്തപുരം റോഡിൽ പ്രത്യേക കൗണ്ടർ സജ്ജമാക്കിയാണ് പഠനോപകരണങ്ങൾ ശേഖരിച്ചത്. കുട്ടികൾ വീട്ടിൽനിന്ന് തങ്ങളുടെ വക സഹായ നിധിയും സ്കൂളിലെത്തിച്ചിരുന്നു. 20000 രൂപയോളം വിലവരുന്ന പഠനോപകരണങ്ങളാണ് ഈ കുരുന്നുകൾ സമാഹരിച്ചത്. ഇത്തരത്തിൽ കുട്ടികൾ സമാഹരിച്ച പഠനോപകരണങ്ങൾ സ്കൂളിൽ സംഘടിപ്പിച്ച പ്രത്യേക ചടങ്ങിൽവെച്ച് നെടുമങ്ങാട് എ.ഇ.ഒ എം. രാജ്കുമാറിന് കൈമാറി. വാർഡ് അംഗം എ.എം. ഇല്യാസ്, പി.ടി.എ പ്രസിഡൻറ് എം. സുൽഫിക്കർ, അധ്യാപകനായ സുധീർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.