പുനലൂർ: ആര്യങ്കാവിൽ വീടിനോട് ചേർന്ന വരാന്തയിൽ കെട്ടിയിട്ടിരുന്ന ആടിനെ പുലി പിടിച്ചു. ഇരുളൻകാട് സന്തോഷ് ഭവനിൽ രമണിയുടെ മൂന്ന് വയസ്സ് പ്രായമുള്ളതും പൂർണ ഗർഭിണിയുമായ ആടിനെയാണ് കഴിഞ്ഞരാത്രി പുലി പിടിച്ചത്. ശബ്ദംകേട്ട് വീട്ടുകാർ പുറത്തിറങ്ങിയപ്പോൾ പുലി ആടിനെ ഉപേക്ഷിച്ച് അടുത്തുള്ള കാട്ടിലേക്ക് ഓടിപ്പോയി. ആടിെൻറ പിൻഭാഗം പൂർണമായും പുലി കടിച്ചെടുത്തു. ആര്യങ്കാവ് വനം റേഞ്ച് അധികൃതർ സ്ഥലത്തെത്തി പുലിയുടെ സാന്നിധ്യം സ്ഥിരീകരിച്ചു. ഒരു മാസത്തിനിടെ ഇരുപതോളം വളർത്തുമൃഗങ്ങളെയാണ് പുലി പിടിച്ചത്. ആക്രമണം ഭയന്ന് രാത്രിയിൽ ആളുകൾ പുറത്തിറങ്ങാൻപോലും ഭയക്കുന്നു. പുലിയെ പിടിക്കാൻ കെണിസ്ഥാപിക്കുമെന്ന് വനപാലകർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.