തിരുവനന്തപുരം: ലക്ഷദ്വീപിൽ കടലിൽ കാണാതായ മത്സ്യത്തൊഴിലാളികളുടെ കുടുംബങ്ങൾക്ക് മതിയായ നഷ്ടപരിഹാരം നൽകണമെന്ന് സി.പി.െഎ ദേശീയ കൗൺസിൽ സെക്രട്ടറി ബിനോയ് വിശ്വം. ഇക്കാര്യം ആവശ്യപ്പെട്ട് അദ്ദേഹം ആഭ്യന്തരമന്ത്രി രാജ്നാഥ് സിങ്ങിന് കത്ത് നൽകി. മത്സ്യബന്ധനത്തിനിെടയാണ് ആഴക്കടലിൽ വെച്ച് നാലാഴ്ച മുമ്പ് നാല് തൊഴിലാളികളെ കാണാതായത്. ഇവരെ കണ്ടുപിടിക്കണമെന്നാവശ്യപ്പെട്ട് നടക്കുന്ന നിരാഹാര സമരം അവസാനിപ്പിക്കാൻ നടപടി എടുക്കണം. ഒരു ലക്ഷം രൂപ നഷ്ടപരിഹാരം നൽകി കൈ കഴുകാനാണ് ദ്വീപിലെ അഡ്മിനിസ്േട്രറ്റർ തയാറായത്. ഒാരോ കുടുംബത്തിനും 10 ലക്ഷം വീതം നഷ്ടപരിഹാരം നൽകണമെന്നാവശ്യപ്പെട്ടാണ് സി.പി.െഎ പ്രക്ഷോഭം ആരംഭിച്ചതെന്നും അദ്ദേഹം വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.