കല്ലമ്പലം: മണമ്പൂർ തൊട്ടിക്കല്ലിലെ രണ്ട് ക്ഷേത്രങ്ങളിൽ കവർച്ച. മുഖചാർത്തും കാണിക്കവഞ്ചികളും കവർന്നു. തൊട്ടി ക്കല്ല് ശിവക്ഷേത്രത്തിലും ആദിയൂർ ശിവക്ഷേത്രത്തിലുമാണ് മോഷണം നടന്നത്. കഴിഞ്ഞദിവസം രാത്രിയിലാണ് സംഭവം നടന്നതെന്ന് കരുതുന്നു. ക്ഷേത്ര പൂജകൾക്കായി വന്ന പൂജാരിയാണ് സംഭവം ആദ്യം അറിഞ്ഞത്. തുടർന്ന് ഭാരവാഹികളെ വിവരം അറിയിക്കുകയായിരുന്നു. തൊട്ടിക്കല്ലിൽ ക്ഷേത്രത്തിൽനിന്ന് 40,000 രൂപ വിലപിടിപ്പുള്ള വെള്ളിയിൽ തീർത്ത ശിവെൻറ മുഖചാർത്തും കാണിക്കവഞ്ചിയും കവർന്നു. ആദിയൂർ ശിവക്ഷേത്രത്തിൽ നിന്ന് നാല് കാണിക്കവഞ്ചികൾ കവർന്നു. കൂടാതെ കമ്മിറ്റി ഓഫിസ് കുത്തിത്തുറന്ന് അതിനുള്ളിലുണ്ടായിരുന്ന 4000 രൂപയും മോഷ്ടിച്ചു. ഓഫിസ് മുറി മുഴുവനും അലങ്കോലമാക്കിയതായി ക്ഷേത്രഭാരവാഹികൾ അറിയിച്ചു. കല്ലമ്പലം പൊലീസ് സ്ഥലത്തെത്തി തെളിവെടുപ്പ് നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.