ഓച്ചിറ: ചങ്ങന്കുളങ്ങര റേഡിയോ മുക്കിന് സമീപം 'ഗ്രാമം' എന്ന പേരില് അറിയപ്പെടുന്ന ഗുണ്ടാസംഘം വയോധികയെയും മകനെയും ആക്രമിച്ചു. പന്തലമുക്ക് ലെനിൻ ഭവനത്തിൽ കുട്ടൻ എന്ന് വിളിക്കുന്ന ലെനിന്(38), അമ്മ സുഭദ്ര (63) എന്നിവര്ക്കാണ് മര്ദനമേറ്റത്. ചൊവ്വാഴ്ച രാത്രി പത്തോടെ മാരകായുധങ്ങളുമായി എത്തിയ സംഘം കുട്ടനെ ആക്രമിക്കുകയായിരുന്നു. ഇത് കണ്ട് ഓടിയെത്തിയ സുഭദ്രയെയും ആക്രമിച്ചു. ഇരുവരെയും ഓച്ചിറയിലെ സ്വകാര്യ ആശുപത്രിയില് പ്രവേശിപ്പിച്ചു. രണ്ട് ദിവസത്തിന് മുമ്പ് വിവാഹ വീട്ടില്വെച്ച് നടന്ന സംഘര്ഷത്തിെൻറ തുടര്ച്ചയാണ് അക്രമമെന്ന് പൊലീസ് പറഞ്ഞു. സംഭവത്തിൽ വലിയകുളങ്ങര സ്വദേശികളായ ഹന്സ് (23), ഹാഷിം (38), രാജീവ് (23), അഖില് (20), പായിക്കുഴി സ്വദേശി പ്യാരി (21) എന്നിവര്ക്കെതിരെ ഓച്ചിറ പൊലീസ് കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.