പുനലൂർ: തെന്മല ജങ്ഷനിൽ ചരക്ക് ലോറി നിയന്ത്രണം വിട്ട് ഇടിച്ച് ഒരാൾ മരിച്ചു. നാലുപേർക്ക് ഗുരുതരമായി പരിക്കേറ്റു. അപകടം ഉണ്ടാക്കിയ ലോറി മറ്റൊരു ലോറിയിടിച്ച് നിന്നതിനാൽ കൂടുതൽ നാശം ഒഴിവായി. ബുധനാഴ്ച രാത്രി എട്ടോടെയാണ് അപകടം. തമിഴ്നാട് സ്വദേശി ശങ്കയ്യ (60) ആണ് മരിച്ചത്. തെന്മല സ്വദേശികളായ ശ്രീലാൽ, രഞ്ജിത്, തമിഴ്നാട് സ്വദേശി രാമകൃഷ്ണൻ, ലോറി ഡ്രൈവർ തമിഴ്നാട് സ്വദേശി ആരോഗ്യരാജ് എന്നിവർക്കാണ് പരിക്കേറ്റത്. ഇവരെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. മൃതദേഹം പുനലൂർ താലൂക്ക് ആശുപത്രി മോർച്ചറിയിലേക്ക് മാറ്റി. തെന്മല പൊലീസ് കേസെടുത്തു. അപകടത്തെതുടർന്ന് ഒരു മണിക്കൂറോളം ഇതുവഴി ഗതാഗതം തടസ്സപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.