കാട്ടാക്കട: പ്രളയം കാരണം ടൗൺ എംപ്ലോയ്മെൻറ് എക്സ്ചേഞ്ചിൽ ആഗസ്റ്റ് മുതൽ ഒക്ടോബർ വരെ കാർഡ് പുതുക്കേണ്ടിയിരുന്നവർക്ക് യഥാക്രമം നവംബർ വരെ പുതുക്കാൻ അവസരം നൽകും. വിടുതൽ, എൻ.ജെ.ഡി സർട്ടിഫിക്കറ്റുകൾ ഹാജരാക്കേണ്ട ഉദ്യോഗാർഥികൾക്കും കാലാവധി നീട്ടിയിട്ടുണ്ട്. രജിസ്ട്രേഷൻ, അധിക യോഗ്യത കൂട്ടിച്ചേർക്കൽ എന്നിവക്കുള്ള ദിവസം 60 ആക്കി. തിരിച്ചറിയൽ കാർഡ് നഷ്ടപ്പെട്ടവർക്ക് ഡ്യൂപ്ലിക്കേറ്റ് കാർഡും അനുവദിക്കുമെന്ന് എംപ്ലോയ്മെൻറ് ഓഫിസർ അറിയിച്ചു. സ്കൂൾ ബസ് ഫ്ലാഗ് ഓഫ് കാട്ടാക്കട: കുളത്തുമ്മൽ ഗവ. ഹയർ സെക്കൻഡറി സ്കൂളിൽ എം.പി ഫണ്ടിൽനിന്ന് ലഭിച്ച സ്കൂൾ ബസ് സർവിസ് ഉദ്ഘാടനം വെള്ളിയാഴ്ച നടക്കും. രാവിലെ 11.30ന് എ. സമ്പത്ത് എം.പി. ഫ്ലാഗ് ഓഫ് ചെയ്യും. പി.ടി.എ പ്രസിഡൻറ് എ.പി. സജുകുമാർ അധ്യക്ഷതവഹിക്കും. പഞ്ചായത്ത് പ്രസിഡൻറ് എസ്. അജിത, ജില്ല പഞ്ചായത്ത് അംഗം അൻസജിത റസ്സൽ എന്നിവർ സംസാരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.