കിളിമാനൂർ: വൃദ്ധസദനത്തിലെ അന്തേവാസികൾക്ക് ഓണസമ്മാനമായി കട്ടിലുകൾ നൽകി മുൻ പഞ്ചായത്തംഗം. കിളിമാനൂർ പുതിയകാവ് കേന്ദ്രമായി പ്രവർത്തിക്കുന്ന ചക്കുളത്തമ്മ ട്രസ്റ്റിനു കീഴിലെ വൃദ്ധസദനത്തിലേക്കാണ് ആറ് കട്ടിലുകൾ നൽകിയത്. നഗരൂർ പഞ്ചായത്തിലെ കീഴ്പേരൂർ വാർഡിലെ ജനപ്രതിനിധിയായിരുന്ന രത്നാകരൻ പിള്ളയാണ് കട്ടിലുകൾ നൽകിയത്. കഴിഞ്ഞ വേനലിൽ അഞ്ചുമാസത്തോളം തുടർച്ചയായി പഞ്ചായത്തിലെ വിവിധ വാർഡുകളിൽ സൗജന്യമായി കുടിവെള്ളം നൽകിയിരുന്നു. 45 അംഗങ്ങളാണ് വൃദ്ധസദനത്തിലെ നിലവിലെ അന്തേവാസികൾ. വൃദ്ധസദനം മാനേജർ രവീന്ദ്രൻ കട്ടിലുകൾ ഏറ്റുവാങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.