കാസർകോട്: ദുബൈയിൽനിന്ന് കടത്തിക്കൊണ്ടുവന്ന 1.2 കിലോഗ്രാം സ്വർണം പിടികൂടി. കാസർകോട് പുതിയ ബസ്സ്റ്റാൻഡ് പരിസരത്തുവെച്ചാണ് 40 ലക്ഷം രൂപ വിലവരുന്ന സ്വർണം കാസർകോട് ടൗൺ പൊലീസ് പിടികൂടിയത്. സംഭവത്തിൽ രണ്ടുപേരെ അറസ്റ്റ്ചെയ്തു. നെല്ലിക്കുന്ന് സ്വദേശി അബ്ദുൽ സഅദ് (30), വിദ്യാനഗർ ചാല സ്വദേശി സമീർ (30) എന്നിവരാണ് അറസ്റ്റിലായത്. ഞായറാഴ്ച വൈകീട്ട് 5.30നാണ് സംഭവം. ഉച്ചയോടെ ദുബൈയിൽനിന്ന് മംഗളൂരു വിമാനത്താവളത്തിലെത്തിയ അബ്ദുൽ സഅദ് കാറിൽ വീട്ടിലേക്ക് മടങ്ങുന്നതിനിടയിൽ സമീറിന് സ്വർണം കൈമാറുകയായിരുന്നു. ഫ്ലാസ്ക്കിെൻറ ഉൾഭാഗത്ത് തകിടുകളാക്കി ചുരുട്ടിവെച്ചനിലയിലായിരുന്നു സ്വർണം. പുതിയ ബസ്സ്റ്റാൻഡ് പരിസരത്ത് കാർ നിർത്തി ഫ്ലാസ്ക്കിൽനിന്ന് സ്വർണത്തകിടുകൾ പുറത്തെടുത്ത് കൈമാറുന്നതിനിടയിൽ പൊലീസ് പിടികൂടുകയായിരുന്നു. കാസർകോട് ടൗൺ എസ്.െഎ അജിത്കുമാർ, അഡീഷനൽ എസ്.െഎമാരായ ബാവിഷ്, ബാലകൃഷ്ണൻ, എ.എസ്.െഎ ബൈജു, സിവിൽ പൊലീസ് ഒാഫിസർമാരായ കിഷോർ, ചെറിയാൻ, രൂപേഷ്, രജനീഷ് എന്നിവരടങ്ങിയ പൊലീസ് സംഘമാണ് സ്വർണം പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.