മലയിൻകീഴ്: വിളവൂർക്കൽ പഞ്ചായത്തിലെ മേടനടയിൽ കുടിവെള്ള ടാങ്ക് സാമൂഹികവിരുദ്ധർ നശിപ്പിച്ചതായി പരാതി. ഇതോടെ കുടിവെള്ളക്ഷാമം രൂക്ഷമായ പഞ്ചായത്തിലെ നിരവധി കുടുംബങ്ങളാണ് ദുരിതത്തിലായത്. ചൂഴാറ്റുകോട്ട പമ്പ് ഹൗസിൽനിന്ന് രാജീവ് ഗാന്ധി കുടിവെള്ളപദ്ധതി പ്രകാരം സ്ഥാപിച്ച ടാങ്കാണ് സാമൂഹികവിരുദ്ധർ നശിപ്പിച്ചത്. പമ്പ് ഹൗസിൽ വിവരം അറിയിച്ചിട്ടും പൊലീസിൽ പരാതിനൽകിയിട്ടും സാമൂഹികവിരുദ്ധർക്കെതിരെ നടപടി എടുക്കുന്നില്ലെന്നും ആരോപണമുണ്ട്. പ്രദേശവാസികൾക്ക് കുടിവെള്ളം ലഭ്യമാക്കാൻ അധികൃതർ നടപടി കൈക്കൊള്ളാൻ തയാറാകണമെന്ന് ഐ.എൻ.ടി.യു.സി ജില്ല ജനറൽ സെക്രട്ടറി മലയം ശ്രീകണ്ഠൻ നായർ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.