തിരുവനന്തപുരം: പെട്രോള്-ഡീസല് -പാചകവാതക വിലയില് ദിനംപ്രതിയുണ്ടാകുന്ന വര്ധന പ്രളയത്തില് കഷ്ടപ്പെടുന്ന കേരളീയരെ കൂടുതല് ബുദ്ധിമുട്ടിലേക്ക് തള്ളിവിട്ടിരിക്കുകയാെണന്ന് പ്രതിപക്ഷ നേതാവ് രമേശ് ചെന്നിത്തല. തുടര്ച്ചയായി എട്ടാം ദിവസമാണ് ഇന്ധനവില വര്ധിക്കുന്നത്. സംസ്ഥാനത്ത് പെട്രോള് വില 82 രൂപ കടന്നു. ഡീസല് വില 75.50 രൂപയിലധികവുമായി. സബ്സിഡിയിലാത്ത പാചക വാതക സിലിണ്ടറിന് 30 രൂപ വര്ധിച്ചു. ഡീസല് വിലയിലുണ്ടാകുന്ന വര്ധന വിലക്കയറ്റം രൂക്ഷമാക്കും. സബ്സിഡിയില്ലാത്ത സിലിണ്ടറിന് വില വര്ധിക്കുന്നതോടെ അത് ഹോട്ടല് ഭക്ഷണ വിലയിലും പ്രതിഫലിക്കും. അതും സാധാരണ ജനങ്ങളെ വലിയ തോതില് ബാധിക്കുമെന്നും രമേശ് ചെന്നിത്തല പറഞ്ഞു. മറ്റ് ഏഷ്യന് രാജ്യങ്ങളില് ഇന്ധന വില ഇന്ത്യയുടേതിലും പകുതിയേയുള്ളൂ. രാജ്യത്തെ ജനങ്ങളോട് ഒരു പ്രതിബദ്ധതയുമിെല്ലന്ന് മോദി സര്ക്കാര് തെളിയിച്ചിരിക്കുകയാണെന്നും രമേശ് ചെന്നിത്തല പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.