വെഞ്ഞാറമൂട്: പുല്ലമ്പാറ കൂനന്വേങ്ങയിലെ സ്പോര്ട്സ് ക്ലബ് പ്രവര്ത്തകരെ വെട്ടിപ്പരിക്കേല്പ്പിച്ച സംഭവത്തില് നാലുപേരെ വെഞ്ഞാറമൂട് പൊലീസ് അറസ്റ്റ് ചെയ്തു. പനവൂര് സ്വദേശികളായ അന്വര് (28), മുനീര് ( 37), ഹാഷിം ( 23), ഷെരീഫ് ( 27) എന്നിവരാണ് പിടിയിലായത്. സംഘത്തിലെ മറ്റ് മൂന്നുപേര് ഒളിവിലാണ്. പിടിയിലായവർ എസ്.ഡി.പി.ഐ പ്രവര്ത്തകരാണെന്ന് പൊലീസ് പറഞ്ഞു. കഴിഞ്ഞദിവസം പാങ്ങോട് മന്നാനിയ്യ കോളജിന് സമീപത്ത് നിന്നാണ് പൊലീസ് ഇവരെ പിടികൂടിയത്. കഴിഞ്ഞ 26 ന് വൈകീട്ടാണ് ഏഴംഗ സംഘം പുല്ലമ്പാറ കൂനന്വേങ്ങ സമഭാവന സ്പോര്ട്സ് ആന്ഡ് ആര്ട്സ് പ്രവര്ത്തകരെ ആക്രമിച്ചത്. വാള് ഉൾപ്പെടെയുള്ള മാരകായുധങ്ങളുമായി ജീപ്പിലും ബൈക്കിലുമായി എത്തിയായിരുന്നു ആക്രമണം. ആക്രമണത്തില് കൂനന്വേങ്ങ സ്വദേശികളായ വിഷ്ണുരാജ്(26), മുജീബ് (25), പ്രഭാത് (40), രാജേഷ് (30), സൈനികന് വിഷ്ണു (29)എന്നിവര്ക്കാണ് പരിക്കേറ്റത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.