വെഞ്ഞാറമൂട്: കെ.എസ്.ആർ.ടി.സി ബസിലുണ്ടായ വാക്കുതർക്കത്തെത്തുടർന്ന് യാത്രികനെ തലക്കടിച്ച് പരിക്കേൽപിച്ചു. വർക്കല പിച്ചകേശ്ശരിയിൽ സുരേഷിനാണ് (38) പരിക്കേറ്റത്. കെ.എസ്.ആർ.ടി.സി ബസിൽ യാത്ര ചെയ്യവേ സീറ്റിനെച്ചൊല്ലി സുരേഷും മറ്റൊരു യുവതിയും തമ്മിൽ വാക്കുതർക്കമുണ്ടായിരുന്നു. ഈ വിവരം യുവതി ഫോണിലൂടെ ഭർത്താവിനെ അറിയിച്ചു. തുടർന്ന് ബസ് വെഞ്ഞാറമൂട് കെ.എസ്.ആർ.ടി.സി ബസ് സ്റ്റാൻഡിൽ എത്തിയപ്പോൾ സുരേഷ് ബസിൽ നിന്നിറങ്ങവേ കാത്തുനിന്ന യുവതിയുടെ ഭർത്താവ് ഇരുമ്പുകമ്പിയുപയോഗിച്ച് തലയ്ക്കടിച്ച് പരിക്കേൽപിക്കുകയായിരുന്നു. സംഭവത്തെത്തുടർന്ന് പനവൂർ വെള്ളാഞ്ചിറ നാസിം മൻസിലിൽ നാസിമിനെ (26) വെഞ്ഞാറമൂട് പൊലീസ് അറസ്റ്റ് ചെയ്തു. പരിക്കേറ്റ സുരേഷിനെ വെഞ്ഞാറമൂട് ഗോകുലം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.