വെഞ്ഞാറമൂട്: കിണറ്റിലകപ്പെട്ട സഹോദരങ്ങളെ ഫയർഫോഴ്സ് രക്ഷപ്പെടുത്തി. പുളിമാത്ത് കുഴിവിള വീട്ടിൽ കൊച്ചുമണി (48), സഹോദരൻ മധു (45) എന്നിവരെയാണ് വെഞ്ഞാറമൂട് ഫയർഫോഴ്സ് ഉദ്യോഗസ്ഥർ രക്ഷപ്പെടുത്തിയത്. വ്യാഴാഴ്ച വൈകീട്ട് ആറോടെ വെള്ളം കോരുന്നതിനിടയിൽ കൊച്ചുമണി 50 അടിയോളം താഴ്ചയുള്ള കിണറ്റിലേക്ക് വീഴുകയായിരുന്നു. രക്ഷപ്പെടുത്താനായി സഹോദരൻ മധു കിണറ്റിലിറങ്ങി കൊച്ചുമണിയെ ഉയർത്തിയെങ്കിലും മധുവും അവശനായി. തുടർന്ന് നാട്ടുകാർ വിവരമറിയിച്ചതിനെത്തുടർന്ന് വെഞ്ഞാറമൂട് ഫയർഫോഴ്സ് സ്റ്റേഷൻ ഓഫിസർ അനിൽകുമാറിെൻറ നേതൃത്വത്തിലെത്തിയ സംഘത്തിലെ ഫയർമാൻ ഡിനു കിണറ്റിലിറങ്ങി ഇരുവരെയും കരയ്ക്കെത്തിച്ചു. സാരമായ പരുക്കുകളില്ല. ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.