ചവറ: മത്സ്യക്കച്ചവടം കഴിഞ്ഞ് വീട്ടിലേക്ക് പോകുകയായിരുന്ന സ്ത്രീയെ കടത്തുവള്ളക്കാരൻ പീഡിപ്പിക്കാൻ ശ്രമിച്ച സംഭവത്തിൽ പ്രതിയെ ഇനിയും പിടികൂടിയില്ല. കൊല്ലം പെരുമൺ മുണ്ടയ്ക്കൽ തെക്കേ ചരുവിള വീട്ടിൽ വീരപ്പനെന്ന് വിളിക്കുന്ന റോണിക്കെതിരെയാണ് (38) പരാതി. ഒളിവിൽപോയ ഇയാളെ പത്ത് ദിവസമായിട്ടും പിടികൂടാൻ കഴിഞ്ഞിട്ടില്ല. കഴിഞ്ഞ മൂന്നിന് രാവിലെ അരിനല്ലൂർ പെരിങ്ങാലം കടത്തുകടവിലായിരുന്നു സംഭവം. പെരിങ്ങാലത്ത് മത്സ്യകച്ചവടം നടത്തി മറുകരയിലേക്ക് പോകാൻ കടവിലെത്തിയ സ്ത്രീയെ കടന്നുപിടിക്കുകയായിരുന്നു. പിടിവലിക്കിടയിൽ രക്ഷപ്പെട്ട സ്ത്രീയുടെ നിലവിളി കേട്ട് നാട്ടുകാർ ഓടിക്കൂടിയതോടെ റോണി കടന്നുകളഞ്ഞു. പ്രതിയെ പിടികൂടണമെന്നാവശ്യപ്പെട്ട് സർവകക്ഷികളുടെ നേതൃത്വത്തിൽ പ്രതിഷേധം നടത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.