കരുനാഗപ്പള്ളി: കുലശേഖരപുരം സർവിസ് സഹകരണബാങ്കിലെ നിയമവിരുദ്ധനടപടികൾക്കും സാമ്പത്തികതട്ടിപ്പിനുമെതിരെ സഹകരണ സംരക്ഷണ മുന്നണിയുടെ നേതൃത്വത്തിൽ ചൊവ്വാഴ്ച സഹകാരികൾ പ്രതിഷേധം സംഘടിപ്പിക്കും. സഹകരണ വകുപ്പ് നടത്തിയ പരിശോധനയിൽ നിരവധി ക്രമക്കേടുകൾ കണ്ടെത്തിയിരുന്നു. ജി.ഡി.സി.എസ് (ചിട്ടി) നടത്തിപ്പിൽ ലക്ഷങ്ങളുടെ തിരിമറിയാണ് നടന്നത്. നിക്ഷേപങ്ങളുടെ സുരക്ഷിതത്വം ഉറപ്പുവരുത്തി ബാങ്കിനെ തകർച്ചയിൽ നിന്ന് രക്ഷിക്കാൻ സർക്കാർ ഇടപെടണമെന്നും ലക്ഷങ്ങളുടെ സാമ്പത്തികതിരിമറി നടത്തിയവർക്കെതിരെ നടപടികൾ സ്വീകരിക്കണമെന്നുമാവശ്യപ്പെട്ടാണ് പ്രതിഷേധം. ധർണ സി.പി.എം സംസ്ഥാന കമ്മിറ്റി അംഗം പി. രാജേന്ദ്രൻ ഉദ്ഘാടനം ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.