വെള്ളറട: ഞായറാഴ്ച വെള്ളറട കെ.പി.എം ഹാളില് ഒരേസമയം രണ്ട് കല്യാണം. ഇരു വിവാഹ പാർട്ടിക്കാര് തമ്മിലുണ്ടായ വാക്കേറ്റവും ഒച്ചപ്പാടും ഉന്തിലും തള്ളിലും കലാശിച്ചു. സ്പെഷല് ബ്രാഞ്ചിെൻറ ഇടപടല് മൂലം കൈയാങ്കളി ഒഴിവായി. ഏഴ് മാസം മുമ്പാണ് ഒരു സംഘം വിവാഹം നടത്താന് ഓഡിറ്റോറിയം ബുക്ക് ചെയ്തത്. ഒരാഴ്ച മുമ്പാണ് രണ്ടാമത്തെ സംഘം വിവാഹം നടത്താന് ബുക്ക് ചെയ്തത്. വ്യത്യസ്ത മതാചാരപ്രകാരമുള്ള വിവാഹങ്ങളായതിനാൽ ആദ്യത്തെ സംഘത്തിന് ഓഡിറ്റോറിയത്തിനു പുറത്തും രണ്ടാമത്തെ സംഘത്തിന് ഓഡിറ്റോറിയത്തിന് അകത്തും സൗകര്യമൊരുക്കി. കെ.പി.എം ഹാളില് ഒരേസമയം രണ്ട് വിവാഹം നടത്താന് ഇതിനു മുമ്പും ബുക്കിങ് നടത്തിയത് വലിയ പ്രതിഷേധത്തിനിടയാക്കിയിട്ടുണ്ട്. മാനേജ്മെൻറിെൻറ അശാസ്ത്രീയ ബുക്കിങ്ങാണ് ഇത്തരം സംഭവങ്ങള് ആവര്ത്തിക്കാന് കാരണമെന്ന് ആരോപണമുണ്ട്. ഇരുവിവാഹ പാർട്ടിക്കാരും മാനേജ്മെൻറിനെതിരെ ശക്തമായി പ്രതിഷേധിച്ചു. കൈയാങ്കളി ഒഴിവാക്കാന് ഓഡിറ്റോറിയവും പരിസരവും സ്പെഷല് ബ്രാഞ്ചിെൻറ നിരീക്ഷണത്തിലായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.