കാട്ടാക്കട:- എസ്.എസ്.എല്.സി പരീക്ഷയില് കാട്ടാക്കട താലൂക്കിലെ മികച്ചനേട്ടം വരിച്ച് പ്ലാവൂര് സര്ക്കാര് ഹൈസ്കൂള്. പ്ലാവൂർ ഹൈസ്കൂളിൽ 37 പേർ എ പ്ലസ് നേടിയപ്പോൾ ഒമ്പത് പേർക്ക് ഒരുവിഷയത്തിന് എ പ്ലസ് നഷ്മായി. 181 പേർ പരീക്ഷയെഴുതിയതിൽ ആറ് പേർ പരാജയപ്പെട്ടു. കാട്ടാക്കട നിയോ ഡെയില് സ്കൂള് നൂറ് ശതമാനം വിജയം കരസ്ഥമാക്കി. 12 പേര്ക്ക് എ പ്ലസ് ലഭിച്ചു. കാട്ടാക്കട പി.ആർ. വില്യം ഹയർ സെക്കൻഡറി സ്കൂളിൽ 218 പേർ പരീക്ഷയെഴുതിയതിൽ 216 പേർ വിജയിച്ചു. 19 പേർക്ക് എല്ലാ വിഷയങ്ങൾക്കും എ പ്ലസ്. കാട്ടാക്കട കുളത്തുമ്മൽ ഗവ. ഹയർ സെക്കൻഡറി സ്കൂളിൽ 150 കുട്ടികൾ പരീക്ഷയെഴുതിയതിൽ 137 പേർ വിജയിച്ചു. മൂന്ന് പേർ എല്ലാ വിഷയങ്ങൾക്കും എ പ്ലസ് നേടിയപ്പോൾ ഏഴ്പേർക്ക് ഒരു വിഷയത്തിന് എ പ്ലസ് നഷ്ടമായി. കുറ്റിച്ചല് പരുത്തിപ്പള്ളി സര്ക്കാര് ഹയര് സെക്കൻഡറി സ്കൂളില് 163 പേര് പരീക്ഷ എഴുതി 158 പേര് വിജയിച്ചു. ഏഴ് പേര്ക്ക് എല്ലാ വിഷയങ്ങള്ക്കും എ പ്ലസ് ലഭിച്ചു. പൂവച്ചല് ഹൈസ്കൂളില് 134 പേര് പരീക്ഷ എഴുതിയതില് രണ്ടുപേര് മാത്രം പരാജിതരായി. എട്ട് പേര്ക്ക് എല്ലാ വിഷയങ്ങള്ക്കും എ പ്ലസ് നേടി. ഉഴമലയ്ക്കല് ചക്രപാണിപുരം ശ്രീനാരായണ ഹയര്സെക്കൻഡറി സ്കൂൾ 99 ശതമാനം വിജയം നേടി. 40 പേര്ക്ക് എ പ്ലസ് ലഭിച്ചു. മീനാങ്കല് ഗവ. ഹൈസ്കൂൾ 97 ശതമാനം വിജയം നേടി .16 പേര്ക്ക് എല്ലാ വിഷയങ്ങള്ക്കും എ പ്ലസ് കിട്ടി. വെള്ളനാട് സര്ക്കാര് ഹയര്സെക്കൻഡറി സ്കൂളില് 37 പേര്ക്ക് എ പ്ലസ് ലഭിച്ചു. ഉത്തരംകോട് ഇരുവേലി സര്ക്കാര് ഹൈസ്കൂളില് 52 പേര് പരീക്ഷഎഴുതിയതില് 45 പേര് വിജയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.