നെയ്യാറ്റിൻകരയെ തിരുവനന്തപുരം ആർ.ഡി.ഒക്ക് കീഴിൽ നിലനിർത്തണം -ആനാവൂർ നാഗപ്പൻ തിരുവനന്തപുരം: നെയ്യാറ്റിൻകര താലൂക്കിനെ തിരുവനന്തപുരം ആർ.ഡി.ഒക്ക് കീഴിൽ നിലനിർത്തണമെന്ന് സി.പി.എം ജില്ലാ സെക്രട്ടറി ആനാവൂർ നാഗപ്പൻ. ജില്ലയിൽ നെടുമങ്ങാട് പുതിയ ആർ.ഡി ഓഫിസ് ആരംഭിക്കുന്നത് ജില്ലയുടെ വികസന പ്രവർത്തനങ്ങൾക്ക് മുതൽക്കൂട്ടാണ്. നെടുമങ്ങാട് പുതിയ ആർ.ഡി ഓഫിസ് ആരംഭിക്കുന്നതിെൻറ ഭാഗമായി നെയ്യാറ്റിൻകര താലൂക്കിനെ നെടുമങ്ങാട് ആർ.ഡി.ഒയുടെ കീഴിലേക്ക് മാറ്റാനുള്ള തീരുമാനം ജനങ്ങൾക്ക് വളരെയധികം യാത്രാക്ലേശം ഉണ്ടാക്കും. നെയ്യാറ്റിൻകരയുള്ളവർക്ക് നെടുമങ്ങാട് എത്താൻ ഇപ്പോൾ രണ്ട് ബസ് കയറി യാത്ര ചെയ്യേണ്ട അവസ്ഥയാണ്. നെയ്യാറ്റിൻകരനിന്ന് നെടുമങ്ങാടേക്ക് യാത്രാസൗകര്യവും കുറവാണ്. പ്രശ്നം പരിഹരിക്കുന്നതിന് ഇടപെടണമെന്ന് അദ്ദേഹം മുഖ്യമന്ത്രിയോട് ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.