ഹർത്താലിൽനിന്ന് ടൂറിസം മേഖലയെയും ഒഴിവാക്കണം -മുഖ്യമന്ത്രി തിരുവനന്തപുരം: ആശുപത്രി, പാല്, പത്രം എന്നിവയെ ഹര്ത്താലില്നിന്ന് ഒഴിവാക്കുന്നതുപോലെ ടൂറിസം മേഖലയെയും ഒഴിവാക്കേണ്ടത് ആവശ്യമാണെന്ന് മുഖ്യമന്ത്രി പിണറായി വിജയന്. ജനാധിപത്യത്തില് ജനങ്ങളുടെ പ്രതിഷേധം അറിയിക്കാനുള്ള മാര്ഗമാണ് ഹര്ത്താല്. അത് പലപ്പോഴും ആവശ്യമായി വരും. ഹര്ത്താലിനെ എതിര്ക്കുന്നവര് പോലും ഹര്ത്താല് നടത്താന് മുന്നിട്ടിറങ്ങുന്നതും നമ്മള് കാണുന്നുണ്ട്. എന്നാല്, കേരളത്തിലേക്ക് വരുന്ന സഞ്ചാരികള്ക്ക് ഹര്ത്താല് വലിയ പ്രയാസമുണ്ടാക്കുമെന്നത് കണക്കിലെടുത്ത് ടൂറിസം മേഖലയെ ഒഴിവാക്കാന് ഹര്ത്താല് സംഘടിപ്പിക്കുന്നവര് ശ്രദ്ധിക്കണമെന്ന് മുഖ്യമന്ത്രി അഭിപ്രായപ്പെട്ടു. മുഖ്യമന്ത്രിയുടെ പ്രതിവാര ടെലിവിഷന് സംവാദ പരിപാടിയായ നാം മുന്നോട്ടിെൻറ ഭാഗമായി വ്യവസായ -വാണിജ്യ മേഖലയിലെ പ്രമുഖരുമായി നടന്ന ചര്ച്ചയിലാണ് മുഖ്യമന്ത്രി ഇക്കാര്യം പറഞ്ഞത്. സംസ്ഥാനത്ത് നോക്കുകൂലി നിരോധിച്ച് സര്ക്കാര് കഴിഞ്ഞ ദിവസം ഉത്തരവിറക്കിയിരുന്നു. സാര്വദേശീയ തൊഴിലാളി ദിനമായ മേയ് ഒന്നുമുതല് ഇത് പ്രാബല്യത്തില് വന്നു. ഇതിനു പിന്നാലെയാണ് ടൂറിസം മേഖലയെ ഹര്ത്താലില്നിന്ന് ഒഴിവാക്കണമെന്ന ആവശ്യം മുഖ്യമന്ത്രി മുന്നോട്ടുെവച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.