കഠ്വ ആവർത്തിക്കപ്പെടരുത് -ജാലകം സഹവാസ ക്യാമ്പ് തിരുവനന്തപുരം: രാജ്യത്ത് വർധിക്കുന്ന വർഗീയ ശ്രമങ്ങൾക്കെതിരെ വിദ്യാർഥി തലങ്ങളിൽനിന്ന് ജാതിമതഭേദമന്യേ സൗഹൃദകൂട്ടായ്മകൾ രൂപപ്പെടണമെന്ന് വിസ്ഡം ഇസ്ലാമിക് സ്റ്റുഡൻറ്സ് ഓർഗനൈസേഷൻ ജില്ലാ കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച ജാലകം സഹവാസ ക്യാമ്പ്. രാജ്യത്തിന് തന്നെ കളങ്കമായ കഠ്വ ആവർത്തിക്കപ്പെടരുതെന്നും പ്രതികൾക്ക് അർഹമായ ശിക്ഷ നൽകണമെന്നും ക്യാമ്പ് അഭിപ്രായപ്പെട്ടു.'അവധിക്കാലം അറിവിൻ തണലിൽ' പ്രചാരണത്തിെൻറ ഭാഗമായി സംഘടിപ്പിച്ച സഹവാസ ക്യാമ്പ് വിസ്ഡം ഇസ്ലാമിക് ഓർഗനൈസേഷൻ ജില്ലാ വൈസ് പ്രസിഡൻറ് എം. മൂസ കരിച്ചാറ ഉദ്ഘാടനം ചെയ്തു. ദാറുൽ അർഖം അക്കാദമി പ്രഫ. ജമീൽ പാലാംകോണം പ്രഭാഷണം നടത്തി. വിസ്ഡം സ്റ്റുഡൻസ് ഓർഗനൈസേഷൻ ജില്ലാ വൈസ് പ്രസിഡൻറ് ആഷിക് മണക്കാട് അധ്യക്ഷത വഹിച്ചു. അബ്ദുല്ല സ്വലാഹി, അൽ ഫഹദ് പൂന്തുറ, ഫിറോസ് സ്വലാഹി, സഹൽ സലഫി, എന്നിവർ വിവിധ സെഷനുകൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.