കോട്ടയം: ജെ.ഇ.ഇ (ജോയൻറ് എൻട്രൻസ് എക്സാമിനേഷൻ) മെയിൻ പരീക്ഷയിൽ അഭിമാന നേട്ടത്തിൽ അമൽ മാത്യു. കോട്ടയം മാന്നാനം ഹയർ സെക്കൻഡറി സ്കൂളിലെ പ്ലസ് ടു വിദ്യാർഥിയായ അമൽ, ദേശീയതലത്തിൽ 160ാം റാങ്ക് നേടിയാണ് സംസ്ഥാനത്തെ ഒന്നാം സ്ഥാനക്കാരനായത്. 360ൽ 308 മാർക്കാണ് ആദ്യമായി പരീക്ഷയെഴുതിയ കുറുപ്പന്തറ പഴേമഠം പുല്ലൻകുന്നേൽ മാത്യു ജോസഫ്-ജാൻസി മാത്യു ദമ്പതികളുടെ മകനായ അമൽ സ്വന്തമാക്കിയത്. െഎ.െഎ.ടി പ്രവേശനം ആഗ്രഹിക്കുന്ന ഇൗ മിടുക്കൻ ഇൗ മാസം 20ന് നടക്കുന്ന ജെ.ഇ.ഇ അഡ്വാൻസിനുള്ള തയാറെടുപ്പിലാണ്. അഡ്വാൻസ് പരീക്ഷയുടെ ഫലം അറിഞ്ഞശേഷമേ ഏത് സ്ഥാപനം തെരെഞ്ഞടുക്കൂവെന്ന് അമൽ പറഞ്ഞു. നേരേത്ത സി.ബി.എസ്.ഇ സിലബസിലായിരുന്ന അമൽ പ്ലസ് ടുവിൽ സംസ്ഥാന സിലബസിലേക്ക് മാറുകയായിരുന്നു. പാലാ ബ്രില്യൻസിലായിരുന്നു പരിശീലനം. പാലാ ബ്രില്യൻസിൽ പരിശീലിച്ച അഭിരാമി എലിസബത്ത് പ്രതാപ് ദേശീയതലത്തിൽ 214ാം റാങ്കും ഫെബിൻ മാത്യു 229ാം റാങ്കും നേടി. KTG55 AMAL MATHEW അമൽ മാത്യു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.