ആവിഷ്​കാര സ്വാതന്ത്ര്യം: ആക്രമണച്ചുമതല ഭരണകൂടം ആൾക്കൂട്ടത്തിന്​ പുറംകരാർ നൽകി ^എൻ.എസ്​. മാധവൻ

ആവിഷ്കാര സ്വാതന്ത്ര്യം: ആക്രമണച്ചുമതല ഭരണകൂടം ആൾക്കൂട്ടത്തിന് പുറംകരാർ നൽകി -എൻ.എസ്. മാധവൻ തിരുവനന്തപുരം: ഭരണകൂടം ആവിഷ്കാര സ്വാതന്ത്ര്യത്തെ നേരിട്ട് ആക്രമിക്കുന്ന രീതി അവസാനിപ്പിച്ചെന്നും ആ ജോലി ഇപ്പോൾ ആൾക്കൂട്ടത്തിന് പുറംകരാർ നൽകിയിരിക്കുകയാണെന്നും എഴുത്തുകാരൻ എൻ.എസ്. മാധവൻ. വികാരവും വ്രണവുമെല്ലാം ഒരുകൂട്ടം ആളുകൾ തീരുമാനിക്കുന്ന ഗുരുതരമായ സ്ഥിതിയാണ് രാജ്യത്ത് നിലനിൽക്കുന്നതെന്നും അദ്ദേഹം അഭിപ്രായപ്പെട്ടു. മാധ്യമപ്രവർത്തകൻ ജി. രാജേഷ്കുമാർ അനുസ്മരണത്തോടനുബന്ധിച്ച് 'ഭരണകൂടവും ആൾക്കൂട്ടങ്ങളും; ആവിഷ്കാരം നേരിടുന്ന പുതിയ പ്രതിസന്ധികൾ' വിഷയത്തിൽ പ്രഭാഷണം നടത്തുകയായിരുന്നു അദ്ദേഹം. ആവിഷ്കാര സ്വാതന്ത്ര്യത്തെ വ്യവസ്ഥകൾക്ക് വിധേയമായി നിയന്ത്രിക്കാൻ ഭരണകൂടം ശ്രമിക്കുന്നു. ആവിഷ്കാര സ്വാതന്ത്ര്യത്തിന് തടയിടാൻ പത്തിലധികം നിയമങ്ങൾ ഇന്ന് നിലവിലുണ്ട്. ഭരണഘടനയുടെ 19 എ അനുച്ഛേദത്തി​െൻറ മറപിടിച്ചാണ് ഇത് ചെയ്യുന്നത്. ഭരണകൂടം ഇത്തരം കാര്യങ്ങൾ ഒരുഭാഗത്ത് ചെയ്തുകൊണ്ടിരിക്കുേമ്പാഴാണ് ആൾക്കൂട്ടം എല്ലാം തീരുമാനിക്കുന്ന സ്ഥിതിയുണ്ടാവുന്നത്. ആക്രമണം നടത്താൻ വലിയ ആൾക്കൂട്ടത്തി​െൻറ ആവശ്യമൊന്നുമില്ല. ഇഷ്ടമില്ലാത്തത് പറയുകയോ എഴുതുകയോ ചെയ്താൽ അവരെ നിശ്ശബ്ദമാക്കുകയോ ഇല്ലാതാക്കുകയോ ചെയ്യുകയാണ്. ഗോവിന്ദ് പൻസാരെക്കും കൽബുർഗിക്കും ഗൗരി ലേങ്കഷിനും സംഭവിച്ചത് അതാണ്. ഭൂരിപക്ഷ അഭിപ്രായങ്ങൾക്ക് സുരക്ഷാബോധം നഷ്ടപ്പെടുമ്പോൾ കാണിക്കുന്ന വിറളികളാണ് ഈ ആക്രമണങ്ങൾ. ഇഷ്ടമായ കാര്യങ്ങൾക്ക് മാത്രമല്ല വെറുക്കുന്ന ചിന്തകൾക്കും ആവിഷ്കാര സ്വാതന്ത്ര്യം വേണമെന്ന് സുപ്രീംകോടതി വിധിയുണ്ട്. എന്നാൽ, ഭൂരിപക്ഷ അഭിപ്രായത്തിന് എതിരായി എഴുതിയാലും വികാരം വ്രണപ്പെടുന്ന അവസ്ഥയാണിന്ന്. അഭിപ്രായ വ്യത്യാസങ്ങളുടെ പേരിൽ പുസ്തകങ്ങൾ നിരോധിക്കുന്നു. കല അതി​െൻറ ആത്മാവിനെ കണ്ടെത്തേണ്ടിയിരിക്കുന്നു. ആൾക്കൂട്ടങ്ങളോ ആസൂത്രിത നീക്കങ്ങളോ എന്നതല്ല പ്രശ്നം. അത് നിലനിർത്താൻ നമ്മൾ അനുവദിക്കുന്നതാണ് ആപത്കരമെന്നും എൻ.എസ്. മാധവൻ പറഞ്ഞു. ടെലിവിഷൻ വന്നശേഷം കപട ആഖ്യാനങ്ങൾ അടിച്ചേൽപ്പിക്കുക എന്നത് മാധ്യമപ്രവർത്തനത്തി​െൻറ ഭാഗമായി മാറി. അതിൽനിന്ന് വ്യത്യസ്തമായ നിലപാടാണ് ജി. രാജേഷ് കുമാർ കൈക്കൊണ്ടതെന്നും അദ്ദേഹം കൂട്ടിച്ചേർത്തു. പ്രസ്ക്ലബ് ഹാളിൽ നടന്ന ചടങ്ങിൽ മുതിർന്ന മാധ്യമപ്രവർത്തകൻ സി. ഗൗരിദാസൻ നായർ, മാധ്യമം എക്സിക്യൂട്ടിവ് എഡിറ്റർ വി.എം. ഇബ്രാഹിം എന്നിവരും സംസാരിച്ചു.