തിരുവനന്തപുരം: സംസ്ഥാനത്ത് ട്രാൻസ്ജെൻഡർ വിഭാഗക്കാർ അതിക്രമങ്ങൾക്ക് ഇരയാകുന്ന സംഭവങ്ങളിൽ കർശന നടപടി സ്വീകരിക്കണമെന്ന് ഡി.ജി.പി ലോക്നാഥ് ബെഹ്റ ജില്ല പൊലീസ് മേധാവികൾക്ക് നിർദേശം നൽകി. പല ജില്ലകളിലും തങ്ങൾക്ക് എതിരെ അതിക്രമങ്ങളും സ്വൈരജീവിതത്തിന് തടസ്സം ഉണ്ടാക്കുന്ന ഇടപെടലുകളും നടക്കുെന്നന്നും എന്നാൽ, അവയ്ക്കെതിരെ പൊലീസ് നിയമപരമായ നടപടി സ്വീകരിക്കുന്നില്ലെന്നും ട്രാൻസ്ജെൻഡർ വിഭാഗക്കാർ പരാതിപ്പെട്ട സാഹചര്യത്തിലാണ് ഉത്തരവ്. ട്രാൻസ്ജെൻഡർ വിഭാഗക്കാരുടെ അവകാശങ്ങൾ സംരക്ഷിക്കുന്നതിനുവേണ്ടി ട്രാൻസ്ജെൻഡർ നയം രൂപവത്കരിച്ച സംസ്ഥാനമാണ് കേരളം. എന്നാൽ, ഇതിനുവിരുദ്ധമായി അവർക്കെതിരെ അതിക്രമങ്ങളും മോശം പെരുമാറ്റവും ഉണ്ടാകുന്നത് ശരിയായ പ്രവണതയല്ലെന്നും ഉത്തരവിൽ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.