കിളിമാനൂർ: വിദ്യാർഥികളിൽ സമ്പാദ്യശീലം വർധിപ്പിക്കുക, വീട്ടിലൊരു ലൈബ്രറി ആരംഭിക്കുക, വായന ശീലം വർധിപ്പിക്കുക എന്നീ ലക്ഷ്യങ്ങളുമായി കരവാരം പഞ്ചായത്തിലെ തോട്ടയ്ക്കാട് ഗവ. എൽ.പി.എസിൽ കഴിഞ്ഞവർഷം ആരംഭിച്ച 'പുസ്തകക്കുടുക്ക' പദ്ധതിയുടെ സമ്പാദ്യം ഏറ്റുവാങ്ങൽ ചടങ്ങ് നടന്നു. പി.ടി.എയുടെ നേതൃത്വത്തിലാണ് എൽ.കെ.ജി മുതലുള്ള മുഴുവൻ കുട്ടികൾക്കും കുടുക്കകൾ നൽകി ഒരധ്യയനവർഷം ശേഖരിച്ച പണംകൊണ്ട് പുസ്തകങ്ങൾ വാങ്ങാൻ പദ്ധതി ആവിഷ്കരിച്ചത്. 1500 രൂപവരെ സമാഹരിച്ചവരുണ്ട്. ഓരോ ക്ലാസിലും കൂടുതൽ തുക സമാഹരിച്ചവർക്ക് സമ്മാനങ്ങൾ നൽകി. ചടങ്ങ് പി.ടി.എ എസിഡൻറ് എസ്. സുരേഷ്കുമാർ ഉദ്ഘാടനം ചെയ്തു. എസ്.എം.സി ചെയർമാൻ ജി. ദിനേശ്കുമാർ, എം.പി.ടി.എ പ്രസിഡൻറ് റീന, സ്കൂൾ പ്രഥമാധ്യാപകൻ കെ.വി. വേണുഗോപാൽ, അധ്യാപകരായ ഷമീന, അൻസി, ഷൈലജ, ക്ലീറ്റസ്, അരുൺദാസ്, ലിജി തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.