കുളത്തൂപ്പുഴ: മാർച്ച് അവസാനം ആദിവാസികൾക്കായി സംഘടിപ്പിക്കുന്ന നിയമസഹായ ക്യാമ്പിന് മുന്നോടിയായി ആദിവാസി മേഖലകളിലെ സാമൂഹിക പ്രശ്നങ്ങൾ മനസ്സിലാക്കുന്നതിനായി ലീഗൽ സർവിസ് അതോറിറ്റി സംഘം പഞ്ചായത്തിലെ ആദിവാസി മേഖലകളിൽ സന്ദർശനം നടത്തി. കഴിഞ്ഞ ദിവസം കുളത്തൂപ്പുഴയിലെത്തിയ അതോറിറ്റി ജില്ല ജഡ്ജി സുധാകാന്തിെൻറ നേതൃത്വത്തിലുള്ള സംഘം ആദിവാസി കോളനികളായ പെരുവഴിക്കാല, രണ്ടാം മൈൽ, ചെറുകര എന്നിവിടങ്ങളിൽ സന്ദർശനം നടത്തി കോളനിവാസികളിൽനിന്ന് വിവരങ്ങൾ ചോദിച്ചറിഞ്ഞു. ആദിവാസി വിദ്യാർഥികൾ പാതിവഴിയിൽ പഠനം ഉപേക്ഷിക്കുന്നത് അവസാനിപ്പിക്കുന്നതിനായി പട്ടികവർഗ-വികസന വകുപ്പ് നടപ്പാക്കുന്ന ഗോത്രസാരഥി പദ്ധതി ഫണ്ടിെൻറ അപര്യാപ്തത നിമിത്തം പലയിടത്തും തടസ്സപ്പെട്ട നിലയിലാണെന്ന് കോളനിവാസികൾ പറഞ്ഞു. പദ്ധതിയുടെ പോരായ്മകൾ കണ്ടെത്തി പരിഹരിക്കുന്നതിന് നടപടി സ്വീകരിക്കുമെന്ന് ജഡ്ജി ഉറപ്പ് നൽകി. പഞ്ചായത്ത് പ്രസിഡൻറ് എസ്. നളിനിയമ്മ, അംഗങ്ങളായ ടി. ബാബു, ബി.എസ്. വിഷ്ണു, ദിവ്യ, ശ്രീലത. എസ്.എസ്, ഉൗരു മൂപ്പൻമാർ എന്നിവർ സംഘത്തെ അനുഗമിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.