കരുനാഗപ്പള്ളി: ലാലാജി-പണിക്കർ കടവ് റോഡ് വശത്ത് കാലാവിലാസിനി വായനശാല ജങ്ഷനിൽ പെരുമന തണ്ണീർത്തടത്തിൽ സമൂഹികവിരുദ്ധർ കക്കൂസ് മാലിന്യം തള്ളിയത് നീക്കണമെന്ന് മുസ്ലിം ലീഗ് ആവശ്യപ്പെട്ടു. ഒരാഴ്ചയായി ദുർഗന്ധം കാരണം പരിസരവാസികൾക്ക് പുറത്തിറങ്ങാൻ കഴിയുന്നില്ല. സമീപത്തെ വിദ്യാഭ്യാസ സ്ഥാപനങ്ങൾക്കും നിരവധി വീടുകൾക്കും ഇടയിലാണ് തണ്ണീർത്തടം. പരിസരെത്ത കിണറുകളിലെ വെള്ളത്തിലും നിറം മാറി തുടങ്ങിയിട്ടുണ്ട്. പരാതിപ്പെട്ടിട്ടും മുനിസിപ്പൽ അധികൃതർ മൗനം പാലിക്കുകയാണെന്ന് പ്രദേശവാസികൾ പറയുന്നു. തണ്ണീർത്തടം ശുചീകരിക്കുന്നതിന് അടിയന്തര നടപടി കൈക്കൊള്ളണമെന്ന് മുസ്ലീം ലീഗ് മുനിസിപ്പൽ കമിറ്റി പ്രസിഡൻറ് അമ്പുവിള ലത്തീഫ് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.