കെ.എസ്.ആർ.ടി.സി കോഴിക്കോട്-കാസർകോട് റൂട്ടില് ജോലിചെയ്തിരുന്നയാൾ സ്ഥലം മാറ്റത്തെതുടർന്നാണ് കാട്ടാക്കടയിലെത്തിയത് കാട്ടാക്കട: കോഴിക്കോട്-കാസർകോട് റൂട്ടില് ജോലിചെയ്തിരുന്ന കെ.എസ്.ആർ.ടി.സി ഡ്രൈവര് പനി ബാധിച്ചതിനെതുടർന്ന് നിരീക്ഷണത്തിൽ. കള്ളിക്കാട് വീരണകാവ് എം.എസ് ഭവനിൽ ജെ. മോഹനനെയാണ് (48) ആശുപത്രിയിൽ പ്രവേശിപ്പിച്ചത്. രണ്ടുദിവസം മുമ്പാണ് ഇദ്ദേഹം സ്ഥലംമാറ്റം ലഭിച്ച് കാട്ടാക്കട ഡിപ്പോയിൽ ജോലിക്കെത്തിയത്. ഞായറാഴ്ച ഡ്യൂട്ടിക്കിടെ പനിബാധിച്ച് കുഴഞ്ഞുവീഴുകയായിരുന്നു. ആശുപത്രിയിലെത്തിച്ചപ്പോള് കോഴിക്കോട് ജോലിനോക്കിയിട്ട് വന്നതാണെന്നറിഞ്ഞതോടെ ഡോക്ടറും മെഡിക്കല് സംഘവും സുരക്ഷാക്രമീകരണങ്ങളൊരുക്കി പരിശോധന നടത്തി. ജില്ലാ മെഡിക്കല് ഓഫിസറുടെ നിർദേശത്തെതുടര്ന്ന് തിരുവനന്തപുരം മെഡിക്കല് കോളജ് ആശുപത്രിയിലേക്ക് മാറ്റുകയായിരുന്നു. കോഴിക്കോട് പ്രദേശത്ത് ജോലി നോക്കിയിരുന്നത് കൊണ്ടുള്ള മുൻകരുതൽ നടപടിയാണ് സ്വീകരിച്ചതെന്നും കൂടുതൽ പരിശോധനക്കാണ് മെഡിക്കൽ കോളജിലേക്ക് അയച്ചതെന്നും ആശുപത്രി അധികൃതർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.